हामी सबैकाे संसारन्यूज

निर्बाचन एक लोकतान्त्रिक प्रक्रिया हो । जसमा हार जित स्वभाबिक हुन्छ । तर, यहाँ न कसैले जितेको छ न कसैले हारेको छ । जित त त्यहाँ हुन्छ जुन दिन जसले समग्र राष्ट्र जिताउन सफल हुन्छ ।
खुसीकै कुरा गर्ने हो भने, २०६४ को संबिधानसभाको निर्बाचनको मतपरिणाममा जति खुशी र आशाबादी अरु कहिल्यै भईएन । आज १० बर्ष बिते । तर, राज्य ब्यवस्थामा के परिबर्तन आए त ? खै राज्यको अबस्थामा के कस्ता परिबर्तन आए भन्ने छुट्याउन सकिएको छैन अनि परिवर्तनको आभारष नेपाली जनताले गर्न सकेका छन् जस्तो मलाई लाग्दैन् ? त्यसैले यस जितमा उत्तेजित भएर आफ्नो अमूल्य समयको बर्बादी गर्न भन्दा यस अबसरलाई आत्मसाथ गरि देश र जनताको लागि केहि गर्नका लागि आ–आफ्ना प्रतिनिधीहरूलाई गुण र दोषको आधारमा ऊर्जा तथा उत्प्रेरणाबाट हुन्छ कि, खबरदारी तथा दबाबवाट हुन्छ सहि र गलतको पहिचान गरि देश र जनताका लागि समर्पण गर्न प्रेरित गरौ,नत्र अहिलेको काँग्रेसको हालत भोलि अन्य दलको हुनेमा शंकै छैन ।
एक समय थियो, मलाई पनि राजनीतिको खुबै रस बसेको थियो । प्रत्यक्ष अप्रत्यक्ष सक्दो लागियो र सकेको गरियो पनि । तर, अन्धभक्त भएर लागिएन जुन एक सिद्धान्तप्रतिको आस्था थियो र जो त्यसको नायक थिए उनले नै सबै आसाका मुनाहरूमा डढेलो लगाई तहस नहस बनाइदिए । त्यस पश्चात ईमान्दारको राजनीति गर्ने नेता नेपालमा छैन भन्ने निष्कर्ष निकालेर सकिन्छ समाज सेवाबाट १ र २ जना अनाथको साथ बन्ने । अशहायको सेवा गर्ने, नसके आफ्नो परिवार खुशी राखेरे बस्ने भन्ने निर्णय गर्दै समाज सेवामा समर्पण भएको छु ।
अव चुनाब सकियो । सबै बिजेताले यसलाई अबसरको रुपमा लिएर देश र जनताको सेवामा लाग्ने र उपबिजेताले यसलाई प्रयाप्त प्रयासको कमि सम्झेर फेरी देश र जनताकै सेवा गरी अर्को निर्बाचनको लागि बिजेता बन्ने आधार निर्माण गर्ने । अब यो सुनौलो समयको माग र सबैको कर्तब्य भनेको एकताबद्ध भई सिंगो राष्ट्र र सम्पूर्ण नेपाली जनतालाई बिजय गराउने । बिजेता तथा उप बिजेता सबैलाई हार्दिक शुभकामना !!