Logo
२८ श्रावण २०७९, शनिबार
     Sat Aug 13 2022
E-paper
  English Edition
   Unicode
Logo

युनाइटेड किरात राई अर्गनाइजेशन अफ अमेरिकाले उधौली मनायो



united-kirat1

युनाइटेड किरात राई अर्गनाइजेशन अफ  अमेरिकाको  (वासिंङटन डिसी, मेरिल्याण्ड, भर्जिनिया र पेन्सिलभेनिया) डिएमभिपी अमेरिकाले सांस्कृतिको कार्यक्रमको आयोजना गरेर किराँत राईहरुको पर्व उधौली पर्व मनाएको छ । डिसेम्बर १७ का दिन एक कार्यक्रमको आयोजना उधौली पर्व मनाउनुका साथै अंग्रेजी नयाँवर्ष २०१८ लाई स्वागत गरेको छ ।

भुवन राईको अध्यक्षता, युनाइटेड किराँत राई अर्गनाइजेशनका केन्द्रीय अध्यक्ष विष्णु राईको प्रमुख आतिथ्यता रहेको उक्त कार्यक्रमको संचालन संस्थाका DMVP च्याप्टर उपाध्यक्ष केशव राईले गरेका थिए भने डिएमभिपीकी महासचिव माया राईको स्वागत मन्तव्य रहेको थियो ।

उक्त कार्यक्रममा प्रमुखअतिथि राईले संसारभरी छरिएर रहेका किराँत राईहरुले आफ्नो संस्कार र संस्कृतिको संरक्षण गर्नुपर्ने बताएका थिए । राईले आफ्नो संस्कृति रक्षाका लागि सबै संसारभरी छरिएर रहेका राईहरु एकजुट भएर अगाडि बढ्नुपर्ने समेत बताए ।

सोहि क्रममा  कार्यक्रमका अतिथि संस्थाका संस्थापक अध्यक्ष तथा हालका सल्लाहकार शिव कुमार राईले अमेरिकाका ५० वटै राज्यमा राईहरुको संजाल विस्तार गर्नुपर्ने बताउँदै संसारभरी रहेका राईहरुको एउटै छाता संगठन बनाउनुपर्ने बताएका थिए ।

त्यस्तै केन्द्रीय उपसभापति मुना राईले संस्थालाई बलियो बनाएर अगाडि बढाउनुपर्ने सबैको दायित्व रहेको बताएकी थिइन् भने न्युइंग्ल्याण्ड च्याप्टरका सभापति मुक्ति नारायण राईले अमेरिकाका सबै राज्यमा रहेका राईहरुले आफ्नो संगठनप्रति चासो देखाउनु पर्ने र संगठनको गतिबिधिमा सहयोग गर्नुपर्ने बताए ।

त्यस्तै युनाइटेड किरात राईका सल्लाहकार मिलन राईले DMVP च्याप्टरले गठन भएको छोटो समयमै कार्यक्रमको आयोजना गरेर विभिन्न राज्यबाट सबैलाई उपस्थित गराएर कार्यक्रम सफल बनाएकोमा धन्यवाद दिएका थिए । साथै अर्का सल्लाहकार प्रभाकर  राईले किराँत राइ युवाहरुको भविष्य कसरी राम्रो बनाउन सकिन्छ भन्ने विषय तथा आफ्नो संस्कार र संस्कृति बुझाउनका लागि संगठनले ठूलो भूमिका खेल्नुपर्ने बताएका थिए ।

ukro5

त्यस्तै DMVP Board Chair प्रकाश राईले अमेरिका भरीका राईहरु एक भएर आफ्नो संस्कृति संरक्षणका लागि अघि बढ्नुपर्ने बताएका थिए भने संस्थाका न्युयोर्क च्याप्टरका अध्यक्ष केशव राम राईले डिएमभिपी ४ वटा राज्यको एउटै च्याप्टर भएर बस्नुभन्दा आफ्नै राज्यमा संगठन विस्तार गर्नु उपर्युक्त हुने बताएका थिए । कार्यक्रममा DMVP संस्थाको केन्द्रीय सदस्यमा प्रकाश राईलाई सर्वसम्मतिले मनोनोति गरियो ।

ukr4

सांस्कृतिक समेत रहेको उक्त कार्यक्रममा गायक प्रकाश राई, प्रभाकर राई, सरिता राई भुवन राई, रितेश श्रेष्ठको गायन प्रस्तुतिले सबैलाई मनोरन्जन गराएको थियो । साथै अनिसा राई र निमा शेर्पाले नृत्य प्रस्तुत गरेका थिए । सोहि अबसरमा न्यूयोर्कबाट केन्द्रीय कोषाध्यक्षको नेतृत्वमा रुद्र राई, लगायत अन्य सदस्यहरुको उपस्थिति रहेको थियो भने न्युह्याम्पसायर, बोस्टन, मेरिल्याण्ड, न्युजर्शी, भर्जिनिया, वाशिंङटन डिसी, पेन्सिलभेनिया लगायतका राज्यबाट संस्थाका प्रतिनिधिहरुको उल्लेख्य उपस्थिति रहेको थियो । कार्यक्रमको अन्त्यमा DMVP च्याप्टरका सभापति चुवन राईले सबैलाई धन्यवाद दिएका थिए ।


यो खबर पढेर तपाईलाई कस्तो महसुस भयो ?

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

कञ्चनपुर । भीमदत्त नगरपालिका– १४ स्थित नयाँ कटानका दिलबहादुर चौधरीले विदेशबाट फर्केपछि पशुपक्षी फार्म

काठमाडौं । २०७४ मा भएको प्रतिनिधिसभा निर्वाचनमा नेकपा (एमाले)ले स्याङ्जाका दुवै निर्वाचन क्षेत्र जितेको

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको