Sansar News
३ माघ, काठमाडौं । चलचित्र लुट २ बाट चर्चामा आएकी नायिका तथा मोडल एलिसा राईको नयाँ म्युजिक भिडियो सार्वजनिक भएको छ ।
यस भिडियोमा मोडल निराजन प्रधानसँग एलिसाको रोमान्स देख्न सकिन्छ । ‘जाउँ हिँड मैच्याङ’ बोलको सोलो गीतको भिडियोमा विपी हाईवेका मनोरम दृश्य समावेश गरिएको छ । दर्शन लामाको स्वर रहेको गीतको भिडियोमा एलिसालाई निराजनले ट्रकमा भगाएको देखाइएको छ ।
युवराज वाइबाको निर्देशनमा बनेको भिडियो उत्सव दाहालले खिचेका हुन् भने निशान घिमिरेले सम्पादन गरेका हुन् । गीतमा स्मृति मोक्तानको शब्द र सुसन लामाको संगीत रहेको छ ।
वि.सं.२०७४ माघ ३ बुधवार ०६:१४ मा प्रकाशित
