Sansar News
बसन्त लम्साल, कोलोराडो अमेरिका
भन्छौ रे देश छोडेर जाने, के भन्नु तँलाई
तिमीलाई भन्दा माटोको माया धेरै छ मलाई
छलेर खान्नँ, ठगेर खान्नँ, घुसखोरी गर्दिनँ
हजारौं-लाखौँ निमूखा मारी आफ्नै पेट भर्दिनँ
बसेर काखमा आमाकै छाति घोप्दिन छुराले
तिमीलेजस्तो आकाश र पाताल जोड्दिन कुराले
भुलेका छैनौं भाषा र भेष, कला र संस्कृति
जन्मेको ठाउँ, रमाईलो गाउँ, सुन्दर प्रकृति
मेहनत गर्छु, पसिना चुहाउँछु, धेर-थोर कमाउँछु
एक-एक गरी, सङ्गाली फेरि, स्वदेशै पठाउँछु
करोडौ-करोड देशकै लुटी, विदेशमा साँच्दिन
तिमीले जस्तो धिक्कारको जुनि, कम्तिमा बाँच्दिन
इति
भिडियो हेर्न यहाँ क्लिक गर्नु होस्
वि.सं.२०७४ माघ १७ बुधवार ०१:५४ मा प्रकाशित
