back

भारतीय राजदूत कोरला नाकामा

वि.सं.२०७३ असोज १२ बुधवार

411 

shares
RBB AD
NTC AD
Rastriya Swastha Sikshya Suchana Tatha Sanchar Kendra

१२ असोज,मुस्ताङ। भारतीय राजदूत रणजित राय छदिने मुस्ताङ भ्रमण गरी मङ्गलबार राजधानी फर्कनु भएको छ । यो बसाइमा नेपाल र चीनको सिमाना कोरलानजिक पुगेर त्यहाँको वस्तुस्थितिको समेत जानकारी लिनुभएको छ ।

छदिने भ्रमणका क्रममा राजदूत रणजित रायले भारतीय लगानीमा विभिन्न गाविसका निर्माण भएका आधा दर्जन आयोजनाको उद्घाटन गर्नुभयो । दूतावासका दुईजना उच्चअधिकारीसहित असोज ६ गते मुस्ताङ ओर्लेका राजदूतले भोलिपल्टै योगेन्द्र उच्च मावि टुकुचेको भवन, कागबेनीमा निर्मित तटबन्ध र मुक्तिनाथस्थित झारकोटमा सामुदायिक भवनको उद्घाटन गर्नुभएको थियो ।

यही असोज ८ मा उहाँले मुक्तिनाथ दर्शन गर्नुका साथै मुक्तिनाथ क्षेत्रमा निर्माण गरिएको धर्मशाला र खानेपानी आयोजनाको औपचारिक उद्घाटन गर्नुभयो । स्थानीयवासी र मुक्तिनाथका पुजारीसँगको छलफलमा राजदूत रायले सरकारले आग्रह गरेको खण्डमा मुक्तिनाथको गुरुयोजनालाई सहयोग गर्न तयार रहेको बताउनुभयो । “सरकारले यो धामको चौतर्फी विकासका लागि गुरुयोजना तयार पारेको बुझेको छु, हामी त्यसमा सहयोग गर्न प्रतिबद्ध छौँ”, उहाँले भन्नुभयो ।

मुक्तिनाथ क्षेत्र विकास कोष र पुरातत्व विभागले मुक्तिनाथको बृहत्तर विकासका लागि एक अर्ब रुपैयाँभन्दा बढीको गुरुयोजना तयार पारेको छ । असोज ९ गते लोमान्थाङ पुगेका राजदूत रायले भारतीय लगानीमा त्यहाँ निर्मित लोमान्थाङ गुम्बा र नाङगेल गुम्बाको अवलोकनसमेत गर्नुभएको बताइएको छ ।

सोही दिन राजदूत राय कोरला नाका पुग्नुभएको थियो । नेपाल र चीनबीच दीर्घकालसम्म नाका सञ्चालन गर्ने बहस चलिरहेको बेला राजदूतको यो भ्रमणलाई महत्वका साथ हेरिएको छ । लोमान्थाङ भ्रमणका क्रममा राजदूतसँगको टोलीको जिविस मुस्ताङका इन्जिनियर सकलदेव शर्मा पनि सहभागी हुनुहुन्थ्यो । रासस

वि.सं.२०७३ असोज १२ बुधवार ०६:१९ मा प्रकाशित

NLIC AD
NABIL bank AD
ADBL AD
अवैध रकम खातामा जम्मा भए जानकारी दिन सिआइबीको अनुरोध

अवैध रकम खातामा जम्मा भए जानकारी दिन सिआइबीको अनुरोध

काठमाडौँ । नेपाल प्रहरीको केन्द्रीय अनुसन्धान ब्युरोले अवैध ‘च्यानल’ को...

प्रधानमन्त्री ओलीको राजनीतिक र आर्थिक सल्लाहकारमा रिमाल र खतिवडा

प्रधानमन्त्री ओलीको राजनीतिक र आर्थिक सल्लाहकारमा रिमाल र खतिवडा

काठमाडौं । प्रधामन्त्री केपी शर्मा ओलीको प्रमुख राजनीतिक सल्लाहकारमा डा....

अम्बिका श्रेष्ठको निधनले मुलुकको पर्यटन क्षेत्रमा अपुरणीय क्षति

अम्बिका श्रेष्ठको निधनले मुलुकको पर्यटन क्षेत्रमा अपुरणीय क्षति

सिबी अधिकारी, काठमाडौँ । द्ववारिकाज होटल पर्यटनको पर्यायवाची नाम हो...

सैनिक कल्याणकारी कोषमा ७५ अर्ब बढी रकम मौज्दात

सैनिक कल्याणकारी कोषमा ७५ अर्ब बढी रकम मौज्दात

काठमाडौँ । नेपाली सेनाका सकल दर्जा, अवकाश प्राप्त सैनिक र...

द्वारिकाज होटेलकी संस्थापक अम्बिका श्रेष्ठको निधन

द्वारिकाज होटेलकी संस्थापक अम्बिका श्रेष्ठको निधन

काठमाडौँ । द्वारिकाज होटेलकी संस्थापक अम्बिका श्रेष्ठको ९२ वर्षको उमेरमा...

नवनियुक्त महान्यायाधिवक्ता रमेश बडालद्वारा शपथ ग्रहण

नवनियुक्त महान्यायाधिवक्ता रमेश बडालद्वारा शपथ ग्रहण

काठमाडौं । नवनियुक्त महान्यायाधिवक्ता रमेश बडालले शपथ लिएका छन् ।...