हामी सबैकाे संसारन्यूज

यसै महिनाको सुरुवातमै करिब ३० हजार नागरिक लुटिएर लखेटिएका र पछिल्लो समयमा त्यसमा थपिएकाले ती विस्थापितको सङ्ख्या कम्तीमा पनि एक लाख पाइएकाले उनीहरुको अवस्थाका बारेमा सबैसँग आग्रह गरेको हो ।

ती नागरिकको उद्धारका लागि पहल गर्न संयुक्त राष्ट्रसङ्घीय शरणार्थीसम्बन्धी उच्चायुक्तको कार्यालयले सो पहलका लागि सबैसँग आग्रह गरेको जनाइएको छ ।

संयुक्त राष्ट्रसङ्घका महासचिव स्टेफेन डुजारिकले उनीहरु कम्तीमा पनि एक लाखको सङ्ख्यामा रहेका जानकारी दिनुभयो ।

गएको मध्य जुलाईदेखि नै दक्षिणी सुडानी प्रान्तहरु येइ, लाइन्यामा विस्थापित भएर रहेका शरणार्थीहरु बस्नुपरेको थियो । त्यसमा करिब महिनादिन यतादेखि फेरि शरणार्थी थपिएका छन् ।

जसका कारण उक्त क्षेत्रमा शरणार्थीको सङ्ख्या बढेर कम्तीमा पनि एक लाख पुगेको छ । उनीहरुले खाना र बस्ने व्यवस्थाका लागि पनि ठूलो सङ्घर्ष गर्नु परिरहेको छ ।

पछिल्लो समयमा दक्षिणी सुडानमा यसरी विस्थापित हुनेहरुको सङ्ख्या दिनप्रतिदिन बढ्दै गएको छ । तर उनीहरुले सो क्षेत्रमा निकै नै कष्टकर जीवन व्यतित गर्नुपरिरहेको छ ।
येइ दक्षिणी सुडानबाट करिब १५० किलोमिटर दक्षिणपश्चिममा येइ नगर पर्दछ । उक्त प्रान्तमा यसअघि पनि हजारौँ जना शरणार्थीले बसोबास गरिरहेका थिए ।

राष्ट्रसङ्घीय अधिकारीहरुले उक्त क्षेत्रमा रहेका शरणार्थी कतै पनि जान नपाउने अवस्थामा फसेका अवस्थामा रहेका र खाना र बसोबासको पनि कुनै व्यवस्था नरहेकाले गाह्रो भएको बताएको छ ।

त्यसैले सो एजेन्सीले ती शरणार्थीको व्यवस्थापनका लागि दाताहरुसँग पनि आग्रह गरेको छ । साथै उनीहरुलाई घर फर्किने वातावरणको सिर्जना गरिदिन पनि सबैसँग आग्रह गरेको छ ।

आन्तरिक राजनीतिक द्वन्द्वका कारण दक्षिण सुडानमा पछिल्लो वर्षमा हिंसा भड्किएको छ । सो हिंसाका कारण त्यहाँबाट हजारौँ नागरिक विस्थापित भएका छन् । रासस÷सिन्ह्वा