हामी सबैकाे संसारन्यूज

अफगान हेलिकप्टरले भूलबस आफ्नै सुरक्षाबलमाथि बमबारी गरेको बताइएको छ ।

अफगानिस्तानको फराह प्रान्तको केनस्क क्षेत्रका तालिवानी आतङ्ककारीसँग झडप र हवाई युद्धमा सहयोग पु¥याइरहेका ती सुरक्षा अधिकारीहरू आफ्नै सहकर्मीहरूले गरेको बमबारीमा मारिएका अफगान प्रतिरक्षा मन्त्रालयका प्रवक्ताले जानकारी दिएका छन् ।

गलत निर्देशनका कारण अफगानबलको जाँच चौकीमा दुर्भाग्यबस बमबारी भएको र त्यसमा परी पाँच सैनिक र एक अफगान प्रहरीको मृत्यु भएको मन्त्रालयका प्रवक्ताले जानकारी दिएको छ ।

यस घटनाको अनुसन्धान जारी रहेको बताइएको छ । गत महिनामा पनि अफगानिस्तानको उत्तरी प्रान्त उरुजगानमा अमेरिकासँग आबद्ध हवाई आक्रमणमा परी आठ अफगान प्रहरीको मृत्यु भएको थियो ।

अफगानिस्तानमा १५ वर्षयतादेखि तालिवानविरुद्ध अफगान र नेटो आबद्ध सैनिकले जारी राखेको कारबाहीका क्रममा सर्वसाधारण र सैनिक मारिने घटना विवादपूर्ण रहँदै आएको छ ।

सार्वजनिक र सरकारीस्तरबाट पनि यसको बारम्बार निन्दा हुँदै आएको भए तापनि तर यस्ता घटना दोहोरिने गरेको छ ।

काबुलको दक्षिण भागमा पर्ने लोगार प्रान्तमा एक सैनिक जाँचचौकीमा गत जुलाइमा अमेरिकासँग आबद्ध हवाई आक्रमणमा परी १० अफगान सैनिकको मृत्यु भएको थियो । रासस एएफपी