हामी सबैकाे संसारन्यूज

२० असोज, बेरुत (लेबनान) । उत्तरी सिरियामा बुधबार इस्लामिक स्टेट (आईएस) समूहको नियन्त्रणमा रहेको ग्रामीण इलाकामा हवाई आक्रमण हुँदा तीन बालबालिकासहित कम्तिमा १९ जनाको मृत्यु भएको सिरियाली मानवअधिकारवादी समूहले जनाएको छ ।

हवाई आक्रमण टर्कीद्वारा गराइएको हो वा अमेरिकी नेतृत्वको सुरक्षाफौजले गरेको भन्नेबारेमा प्रष्ट नभएको उक्त समूहले बताएको छ । यी दुवै समूहले सिरियामा जिहादी विद्रोही विरुद्धको कारबाहीमा सहयोग पु¥याउँदै आएका छन् ।

बेलायतस्थित उक्त मानवअधिकारवादी समूहका अनुसार आक्रमण उत्तरी अलेप्पोको थालठाना प्रान्तमा भएको हो । यो इलाका आईएसको अलबाब समूहको सुरक्षित आश्रयस्थल हो । एएफपी