हामी सबैकाे संसारन्यूज

नेपाल विद्यार्थी संघ(नेविसंघ) कास्कीका सभापति विक्रमादित्य गिरीले कास्की जिल्लाका तीनै क्षेत्रमा नेविसंघका क्षेत्रिय सभापतिहरु मनोनित गरेका छन् । सभापति गिरीले नेविसंघ क्षेत्र नं १ को क्षेत्रिय सभापतिमा भिम बहादुर गुरुङ, २ को क्षेत्रिय सभापतिमा विकास महत र क्षेत्र नं ३ को सभापतिमा सुमित पराजुलीलाई मनोनित गरेका हुन् ।

क्षेत्रिय सभापतिहरु मनोनित गर्ने क्रममा बोल्दै जिल्ला सभापति गिरीले पार्टी बलियो बनाउन कलेजमा मात्रै नभई उच्च कलेज सम्म पुग्नु पर्नेमा जोड दिए । यस्तै सभापति गिरीले संगठन विस्तारमा अगाडी बढ्न क्षेत्रिय सभापतिलाई समेत निर्देशन दिएका थिए ।
कार्यक्रममा नेविसंघ जनप्रिय बहुमुखी क्याम्पसका अध्यक्ष प्रवीन पौडेलले कास्की जिल्लामा संगठन विस्तार तथा सदस्यता वितरण कार्यलाई तीब्रता दिने प्रतिवद्धता गरेका थिए ।