हामी सबैकाे संसारन्यूज

१२ असोज, काठमाडौं । गैरसरकारी संस्था (एनजीओ) ले एक वर्षमा विदेशबाट २० अर्ब रुपैयाँभन्दा बढी रकम भित्राए । त्यत्रो रकम कहाँ गयो, केमा खर्च भयो, राज्य बेखबर छ ।

नेपालका ७ सय २३ एनजीओलाई २०७४÷७५ मा उक्त रकम ल्याउन समाजकल्याण परिषदले अनुमति दिएको थियो । तिनका अनुगमन गर्ने काम पनि परिषद्कै हो । तर, उ चुपचाप बसेको पनि आजको अन्नपूर्णपोस्ट दैनिकमा समाचार छ ।

‘अर्बौ रकम विदेशबाट आइरहेको छ त्यो कहाँ र कसरी खर्च भइरहेको छ भन्ने जानकारी नहुनु दुःखद हो,’ महिला तथा बालबालिका तथा जेष्ठ नागरिक मन्त्रालयका सचिव बुद्धि बहादुर खड्काले भने, ‘अब राज्यस्तरबाटै सशक्त संयन्त्र बनाएर एनजीओमार्फत आउने अर्बौ रकमको सदुपयोग सम्बन्धमा नियमित अनुगमन जरुरी छ ।’