हामी सबैकाे संसारन्यूज

१३ असोज, काठमाडौं । विश्वकै ठूलो समस्याका रुपमा रहेको मुटुसम्बन्धी रोग पछिल्लो समय नेपालको पनि समस्या बनेको छ । बर्सेनी यो रोग ३ देखि ४ प्रतिशतका दरले बढेको बढेको गंगालाल हृदय केन्द्रले जनाएको छ । गत आर्थिक वर्षमा मात्र १ लाख ५३ हजार ६२ जनाले बहिरंग पिवभागबाट उपचार लिएका थिए । केन्द्रमा प्रत्येक दिन ५ सय देखि ६ सय जनासम्म उपचारका लागि आउने गरेको आजको नागरिक दैनिकमा समाचार छ ।
मनमोहन कार्डियो भास्कुलर एन्ड ट्रान्सप्लान्ट सेन्टरबाट गत वर्ष ६० हजार जनाले सेवा लिएका थिए भने यस वर्ष ६८ हजार बिरामीले सेवा लिएका थिए । यो संख्या हेर्दा एक वर्षमै आठ हजार बिरामी बढेको देखिन्छ । तथ्यांक अनुसार एक दशकमा १० प्रतिशतले यस्ता विरामी बढेका छन् भने राजधानीमा यो रोग दोब्बर वृद्धि भएको छ ।