हामी सबैकाे संसारन्यूज

१९ असोज, चितवन । सिकिस्त बिरामी नचनी चौधरीलाई उनका दुई छोराले राम्रो उपचारको लागि भरतपुरदेखि एम्बुलेन्समा राखेर बुधबार बिहान काठमाडौं दौडाए । तर, नौबिसे–नागढुंगाको लामो जाम छिचोल्न नसक्दा उनी अस्पताल पुग्न पाइनन् । बाटैमा उनको प्राण गयो ।
काठमाडौं पु¥याए स्वास्थ्यमा सुधार हुने आशा लिएका छोराहरु देवघाटमा आमाको सतगत गरेर घर फर्किए । रत्ननगर ६, बछौलीी ५१ वर्षीया नचनीलाई ज्वरो आउने लगायतका समस्या देखिएपछि छोराहरुले सदरमुकामको भरतपुर सामुदायिक अस्पतालमा लगेका थिए । अस्पतालमा भर्ना गरेर उपचार हुँदै थियो । तर, सुधार भइरहेको थिएन । १४ गतेपछि आमाको अवस्था विग्रदै गएको माइला छोरा राजेश चौधरीले बताए । डाक्टरले काठमाडौं लैजान भनेपछि जेठा दाइ भुवनेश्वर र उनी आमालाई लिएर हिँडेका थिए । आजको कान्तिपुर दैनिकमा समाचार छ ।