Sansar News
१९ असोज, काठमाडौं । दसैंका लागि अग्रिम टिकट बुकिङ सकिएको छ । विहिबार सम्म नयाँवसपार्कबाट ५० हजार टिकट बुकिङ भएका छन् ।
टिकटको अग्रिम बुकिङ खुलेको १० दिनमा टिकटको बुकिङ सकिएको लोत्से बहुउद्धेश्यीय प्रालिका प्रबन्धक सुनिल कुँवरले बताए । ‘दैनिक गाडीको टिकट बुकिङ सकिएको छ,’ उनले भने । आजको राजधानी दैनिकमा समाचार छ ।
अब थपिएको अतिरिक्त सवारी साधनको मात्रै टिकट बाँकि रहेको उनले बताए । यसवर्ष प्रालि निकट व्यवसायी तथा समितिनिकट व्यवसायीले टिकट बुकिङ खोलेका थिए ।
कुँवरका अनसार अरु विभिन्न स्थानका टिकटहरु पनि सकिन लागेका छनु । लोत्से प्रालिले नयाँ वसपार्कमा व्यवस्थापन सम्हाल्दै आएको छ ।
वि.सं.२०७५ असोज १९ शुक्रवार ०८:१८ मा प्रकाशित
