Sansar News
१९ असोज, काठमाडौं । नेपाल सरकारका कर्मचारीले अब कार्यालयमा काम सुरुगर्नु भन्दा पहिले ‘म भ्रष्टाचार गर्दिन्, ‘म भ्रष्टाचार हुन दिन्न म देश र जनताको लागि इमान्दार भएर काम गर्ने प्रतिज्ञा गर्दछु’ भन्ने प्रतिज्ञा गरेर मात्र काम सुरु गर्नुपर्ने भएको छ ।
असोज १६ का दिन गरिएको नेपाल सरकार मुख्य सचिवस्तरीय निर्णयले ‘म भ्रष्टाचार हुन दिन्न म देश र जनताको लागि इमान्दार भएर काम गर्ने प्रतिज्ञा गर्दछु’ भन्ने शब्द लेखेर कार्यालयको देखिने स्थानमा टाँस्ने व्यवस्था गर्न समेत अनुरोध गरेको छ ।
‘नेपाल सरकारले भ्रष्टाचार नियन्त्रणका लागि शून्य सहनशीलताको नीति अवलम्बन गर्दै आएको व्यहोरा स्मरण गराउँदै शुसासन र सदाचारको प्रवद्र्धन गर्न कामप्रति इमान्दार भई प्रत्येक राष्ट्रसेवक कर्मचारीलाई प्रत्येक दिन कार्य प्रारम्भ हुनु अघि ‘म भ्रष्टाचार हुन दिन्न म देश र जनताको लागि इमान्दार भएर काम गर्ने प्रतिज्ञा गर्दछु’ भन्ने प्रतिज्ञा गरेर कार्य प्रारम्भ गराउनपर्ने प्रधानमन्त्री तथा मन्त्रिपरिषद्को कार्यालयद्धारा सबै मन्त्रालय, आयोग र सचिवालयलाई उक्त निर्देशन कार्यान्वयन गर्न भन्दै पत्र जारी गरिएको छ ।
वि.सं.२०७५ असोज १९ शुक्रवार ०९:०८ मा प्रकाशित
