हामी सबैकाे संसारन्यूज

९ कात्तिक, पर्वत। पर्वत जिल्लाको पैञ्यू गाउँपालिका स्थित पैञ्यू बहुमुखी क्याम्पसमा भएको न्यौपाने बन्धुहरुको जिल्ला भेलाले चोकलाल न्यौपाने ‘पाखीम्बास’ लाई अध्यक्षमा चयन गर्दै १७ सदस्यीय ‘न्यौपाने वंश समाज नेपाल जिल्ला कार्यसमिति पर्वत’ गठन गरेको छ ।
समाजका केन्द्रीय अध्यक्ष मेघराज न्यौपाने, केन्द्रीय सदस्य कुश्माखर न्यौपाने तथा रुपन्देही जिल्ला अध्यक्ष तीलक न्यौपाने लगायतको उपस्थितिमा सम्पन्न सो दोश्रो अधिबेशनले नयाँ कार्यसमिति निर्वाचित गरेको हो । नवनिर्वाचित अध्यक्ष चोकलाल न्यौपानेका अनुसार समितिको वरिष्ठ उपाध्यक्षमा हिमलाल न्यौपाने, उपाध्यक्षमा धनपति न्यौपाने, सचिवमा विष्णु प्रसाद न्यौपाने, कोषाध्याक्ष इश्वरी कुमारी न्यौपाने, सहसचिवमा पर्शुराम न्यौपाने र सदस्यहरुमा मोतीलाल न्यौपाने, खिमानन्द न्यौपाने, नारायण न्यौपाने, रुक्मागत न्यौपाने र खिम प्रसाद न्यौपाने रहेका छन् ।
विभिन्न स्थानमा रहेका अन्य न्यौपानेहरुलाई समेट्न ६ सदस्य पछि थप गरिने जनाइएको छ ।
यसैबीच सो समाजको कार्यसमिति अन्तर्गत श्याम प्रसाद न्यौपाने संयोजक तथा तुल्सीराम न्यौपाने र देवी प्रसाद न्यौपाने रहेको ३ सदस्यीय लेखा समिति पनि बनाइएको जनाइएको छ ।