Sansar News
६ मंसीर, काठमाण्डौं । स्थानीयतहमा प्रमुख प्रशासकिय अधिकृत तारन्तर फेरबददले स्थायी सरकार मानिने कर्मचारी तन्त्र अस्थिर भएका छन् भने जनप्रतिनिधि हैरान भएका छन् ।
प्रशासकिय अधिकृतहरु आफैले चाहेर, शक्तिकेन्द्रको दबाबमा वा स्थानीयतहका प्रमुखले ारुचाएर छोटो अबधिमै सरुवा हुँदा काम प्रभावित भएको आजको कान्तिपुर दैनिकमा समाचार छ ।
पाँचवर्षका लागि चुनिएको स्थानीय सरकारमा करिब डेढ वर्षमै ६ पटकसम्म सरुवा भएका उदाहरण भेटिएका छन् ।
जाजरकोटको कुशे गाउँपालिकामा ६ प्रमुख प्रशासकिय अधिकृत फेरिइसकेका छन् । दैलेखको ११ वटै स्थानीयतहमा तारन्तार अधिकृत बदलिएका छन् ।
नेपालगन्ज उपमहाानगरपालिका प्रमुख धवल समशेर राणा डेढ वर्षको अवधिमा चौथो प्रशासकिय अधिकृत सँग काम गर्दैछन् ।
‘एकजना अधिकृतलाईस्थानीय वस्तुस्थिति बुझ्न महिनौ लाग्छ, सबै बुझेर कामलाई गतिदिन थाल्दा नथाल्दै सरुवा भइदिन् । अर्को आउँछ, जसलाई बस्तुस्थिति बुझ्न महिनौ लाग्छ, त्यतिन्जेल सरुवा भइहाल्छ,’ उनले भने, ‘ संघीय मन्त्रालयका मन्त्री र सचिवको मनपरी हैरान छ ।’
वि.सं.२०७५ मंसिर ६ बिहीवार ०८:२६ मा प्रकाशित
