हामी सबैकाे संसारन्यूज

६ मंसिर, दाङ । ‘राज्यसत्ता’ कब्जा गर्ने र मुलुकमा जनवादी सत्ता स्थापना गर्ने अठोटसहित तत्कालीन नेकपा माओवादीले सञ्चालन गरेको सश्स्त्र ‘जनयुद्ध’ मा होमिएका रामेछापका योगेन्द्र केसी अहिले फुटपाथमा पसल चलाउँछन् ।

जनवादी सत्ता ल्याउने सपना बोकेर जनयुद्धमा लागेको बताउने उनी अहिले ती दिन सम्झिन चाहाँदैनन् । किनकि उनलाई देखाइएको सपना पुरा भएन । राजनीतिक परवर्तन भए पनि उनले सोचेजस्तो पद्धती विकास हुन सकेन ।

घोराहीको एक व्यस्त चोकमा ठेलामा प्याकिङ मिठाई राखेर ग्राहक कुरिरहेका उनले भने,देश बदल्छु भनेर लाग्दा आफैँ बर्बाद भएँ,अब आफुलाई फुटपाथको दैनिकीबाट बदल्ने मिसनमा छु ।माओवादीको जनमुक्ति सेनामा प्लाटुन कमान्डरसम्म भएर काम गरेका उनी द्धन्द्धकालनि आरोहअवरोह सुनाउन अनकनाए । उनले भने,नमिठो अतित किन सम्झनु ? केसीका अनुसार राज्यसत्ता परिवर्तनका लागि भन्दै उनी २०५८ सालमा माओवादी लडाकुमा प्रवेश गरेका थिए । आजको नागरिक दैनिकबाट ।