३० पुस काठमाडौ । वाइडबडी विमान खरिदमा पूर्वप्रधानमन्त्री एवं कांग्रेसका सभापति शेरबहादुर देउवाको समेत संलग्नताबारे सत्यतथ्य जानकारी दिन सत्तारुढ दलका सांसद्ले माग गरेका छन् ।
विमान खदिमा देउवाको नाम जोडिएकाले संसद्मा वास्विकता आउनुपर्ने भन्दै सत्तारुढ सांसदहरुले प्रतिनिधिसभाको आइतबारको बैठकमा यस्तो माग गरेका हुन् ।
नेकपा सांसद यज्ञराज सुनुवारले वाइडबडी खरिदमा कांग्रेस सभापति देउवाको नाम जोडिएकोबारे सदनले जानकारी पाउनुपर्ने बताए ।
२४ जेठ ०७४ मा प्रधानमन्त्री भएलगत्तै केही दिनमा देउवाले वाइडबडी खरिदको रकम भुक्तानीका लागि सिफारिस गरेको र सो वेला पर्यटन मन्त्रालयसमेत देउवाकै नेतृत्वमा रहेकाले सांसदहरुले यसबारे चासो व्यक्त गरेका हुन् । आजको नयाँ पत्रिका दैनिक समाचारमा छ ।
