Logo
६ जेष्ठ २०७९, शुक्रबार
     Fri May 20 2022
E-paper
  English Edition
   Unicode
Logo

जिम्न्यास्टिक सङ्घ पुनःगठन




१० माघ, काठमाडौँ  । राष्ट्रिय खेलकूद परिषद् (राखेप) ले नेपाल जिम्यास्टिक सङ्घ पुनःगठन गरेको छ । जिम्न्यास्टिक खेलको अस्तित्वमा रहेका दुई कमिटीलाई भङ्ग गर्दै राखेपले बुधबार सङ्घलाई पुनःगठन गरेको हो ।

युवा तथा खेलकूद मन्त्रालयले बनाएको राष्ट्रिय विवाद समस्या साधन तथा सहजीकरण समितिको सिफारिशमा राखेपले अस्तित्वमा रहेका दुवै सङ्घलाई पुनःगठन गर्दै तदर्थ कमिटी गठन गरेको हो । मन्त्रालयले विवाद रहेका खेल सङ्घलाई एक बनाउन राखेप उपाध्यक्ष पीताम्बर तिम्सिनाको नेतृत्वमा तीन सदस्यीय समिति दुई महीनाअघि बनाएको थियो ।

राखेपले ध्रुवबहादुर प्रधानको अध्यक्षतामा सङ्घलाई पुनःगठन गरेको हो । राखेपले बनाएको नयाँ कमिटीमा किशोरबहादुर सिंह सहअध्यक्ष, गीता राणा उपाध्यक्ष, बाबुराम थापा उपाध्यक्ष, राजेश खड्का उपाध्यक्ष, मुकुन्द शर्मा महासचिव, मुकुन्द लाल नकर्मी सचिव र वचन देउजा कोषाध्यक्ष छन् ।

यस्तै सदस्यमा जनक भट्टराई, शैलेन्द्र श्रेष्ठ, पुरण गिरी, इन्दिरा दाहाल, सुशीलप्रकाश प्रधान, कुस्मिता आचार्यलगायत छन् । पुनःगठन गरिएको सङ्घले सङ्घको विधान संशोधन गर्दै तीन महीनाभित्र निर्वाचन गर्नुपर्ने जिम्मेवारी पाएको छ ।

पछिल्लो समय जिम्न्यास्टिक खेलका दुई सङ्घ अस्तित्वमा रहेको थियो । एक सङ्घलाई राष्ट्रिय र अर्कोलाई अन्तर्राष्ट्रिय मान्यता रहेको थियो । किशोरबहादुर सिंहको नेतृत्वमा राष्ट्रिय र ध्रुवबहादुर प्रधानको नेतृत्वमा अन्तर्राष्ट्रिय मान्यता प्राप्त सङ्घ अस्तित्वमा थिए ।


यो खबर पढेर तपाईलाई कस्तो महसुस भयो ?

काठमाडौं । गत साता सम्पन्न स्थानीय तहको निर्वाचनअन्तर्गत ६ महानगरको मतगणना चलिरहेको छ ।

काठमाडौं । शिक्षा, विज्ञान तथा प्रविधि मन्त्रालयले शिक्षक कर्मचारीहरुको पोशाक परिवर्तन बारे सूचना जारी

काठमाडौं । नेपाल सरकार शिक्षा, विज्ञान तथा प्रविधि मन्त्रालयअन्र्तगत शिक्षा तथा मानव स्रोत विकास

काठमाडौं । नेकपा (माओवादी केन्द्र)ले गोरखामा अत्यन्तै उत्साहपूर्णंरुपमा पालिकाहरु जितेको छ । माओवादीले ०७४