उद्धव मगर दोहा, कतार
अक्टोबर २८ का दिन तनहुँ सेवा समाजको नवौं वार्षिक अधिवेशन सम्पन्न भएको छ । संस्थाका अध्यक्ष तोयानाथ पौडेलको अध्यक्षता, भिम थापाको प्रमुख आतिथ्यता रहेको सो अधिवेशनको सञ्चालन महासचिव दिलबहादुर रानाभाटले गरेका थिए । कार्यक्रममा सहभागि विभिन्न संघसंस्थाका प्रतिनिधिहरुले नयाँ कार्यसमितिलाई बधाई तथा कार्यकाल सफलताको शुभकामना दिएका थिए । नयाँ कार्यसमितिमा १५ सदस्य पदाधिकारीहरु चयन भएका छन् ।
जसको अध्यक्षमा पदमबहादुर वि.क, प्रथम उपाध्यक्षमा रेशम तामाङ्ग, द्धितिय उपाध्यक्षमा ऋषि वि.क, महासचिवमा बलराम गैरे, सचिवमा मिनराज खड्का, कोषाध्यक्षमा अर्जुन सुनुवार, सह–कोषाध्यक्षमा संघम रायमाझी र सदस्यहरुमा दिलबहादुर परियार, बसन्त पोखरेल, सिखर श्रेष्ठ, सोमनाथ रसाईली र मिनबहादुर कुमाल रहेका छन् भने ३ स्थान पछि थप गरिने बताइएको छ । कार्यक्रम अत्यन्तै सौहद्रपुर्ण वातावरणमा सम्पन्न भएको कार्यक्रमका अध्यक्ष तोयानाथ पौडेलले बताए ।
