हामी सबैकाे संसारन्यूज

गैरआवासीय नेपाली संघ, राष्ट्रिय समन्वय परिषद कतारले यूकेबाट नेपाल यात्राको क्रममा दोहा पुगेका आईसीसी सहकोषाध्यक्ष सोम सापकोटासंग भेटघाट तथा परिचयात्मक कार्यक्रम १८ फ्रेबुअरी २०१९ का दिन सम्पन्न गरेको छ ।

दोहाको नज्मास्थित यूनिक नेपाली रेष्टुरेण्टमा भएको भेटघाट तथा परिचयात्मक कार्यक्रममा एनसीसी कतारका काबा अध्यक्ष तेज कटुवाल साथै आईसीसी मानार्थ परिषद सदस्य टि.बि कार्की र आईसीसी सदस्य बिमल सुबेदीले खदाद्वारा उनलाई स्वागत गरेका थिए ।

भेटघाट कार्यक्रममा संघका दितिय उपाध्यक्ष सुदर्शन भट्टले स्वागत मन्तव्य राखेका भने महासचिव बुधवल गुरुङले एनसीसीको गतिविधिलाई संक्षिप्त रूपमा जानकारी राखे ।

सो अवसरमा मन्तव्य राख्दै सहकोषाध्यक्ष सापकोटाले आईसीसीका पछिल्ला गतिविधि, भावी कार्यहरू बारे जानकारी गराउनुका साथै भेटघाट गर्ने अवसरका लागि एनसीसी कतार टीमलाई धन्यवाद व्यक्त गर्दै भिजिट नेपाल २०२० अंकित टिशर्ट प्रदान गरेका थिए ।

यसैगरी आईसीसी सदस्य विमल सुबेदीले आईसीसी र एनसीसी विचको गतिविधि बारे संक्षिप्त जानकारी गराएका थिए । आईसीसी मानार्थ परिषद सदस्य टिबि कार्की र पूर्व आईसीसी सदस्य हंसराज ढकालले पनि आईसीसी र एनसीसी कतारका गतिविधि साथै समसामयिक विषयमा आफ्नो धारणा राखेका थिए ।
अन्त्यमा संघका काबा अध्यक्ष तेज कटुवालले आफ्नो छोटो समयलाई सदुपयोग गरी एनसीसी कतारलाई समय दिएकोमा धन्यवाद गरेका थिए ।