हामी सबैकाे संसारन्यूज

९ फागुन,मकाउ । अन्तराष्ट्रिय नेपाली समाज मकाउ द्धारा विचल्लीमा परेका विद्यार्थीको उद्धार गर्न माग गरेको छ ।

समाजका अध्यक्ष प्रजुन कुमार अधिकारीले विहिबार एक विज्ञप्ति जारी गर्दै अष्ट्रेलियामा उज्ज्वल भविस्यको लागि मिठो सपना बोकेर गएका झण्डै १४ सय विद्यार्थी विचल्लीमा परेको भन्दै उद्धारका लागि जोडदार माग गरेको छ ।

समाजले अष्ट्रेलियास्थित अन्तराष्ट्रिय नेपाली समाजलाई तत्काल यसबारेमा थप सूचना लिन र आवस्यक समन्वयका लागि एनआरएनए अष्ट्रेलिया लगायतका सबै संघ संस्थासँग समन्वय गरेर विचल्लीमा परेका विद्यार्थीहरुलाई सहयोग गर्नका लागि आग्रह गरेको बताएको छ ।
समाजले दर्ता नभएको कलेजमा यसरी हजारौ विद्यार्थी उच्च शिक्षाका लागि गएको र विचल्लीमा परेको भन्दै यसले विद्यार्थीहरुका अभिभावक मात्र नभएर सबैलाई मर्माहत बनाएको बताएको छ ।

समाजले दर्ता नभएका कलेजमा विद्यार्थी पठाउने नेपालका कन्सल्टेन्सी, नोअब्जेक्सन लेटर दिने शिक्षा मन्त्रालय, पराराष्ट्रमन्त्रालय, परामर्श दाताहरुले नैतिक जिम्मेवारी लिनुपर्ने बताएको छ । साथै यस्ता परामर्श दाताहरुको आवस्यक विवरण संकलन गरी आवस्यक कारबाही गर्न भन्दै सरकारको ध्यानाकर्षण समेत गराएको छ ।