१८ कात्तिक,एथेन्स (ग्रीस)। रसियाले सिरियामा जारी राजनीतिक द्वन्द्व अन्त्यका लागि इमान्दार समन्वयको खोजी गरेको रसियाली विदेशमन्त्री सर्गेइ लाभरोभले बुधबार बताउनुभएको छ ।
लाभरोभले द्वन्द्व अन्त्यका लागि इमान्दार पहल गर्न मस्कोद्वारा द्वन्द्वग्रस्त सिरियाली प्राचीन सहर अलेप्पोमा छोटो युद्धबिरामको घोषणा गरेको छ ।
“हामीले हाम्रा अन्तर्राष्ट्रिय सहयात्रीलाई सिरिया द्वन्द्व अन्त्यका लागि इमान्दार प्रयास गर्नका लागि ध्यानाकर्षण गर्न चाहन्छौँ,” लाभरोभले आफ्नो औपचारिक ग्रीस भ्रमणका क्रममा यहाँ बताउनुभयो ।
लाभरोभले संयुक्त राष्ट्रसङ्घ सुरक्षा परिषद्को प्रस्तावअनुसार सिरिया द्वन्द्व अन्त्यका लागि काम गर्नुपर्नेमा वासिङटनबाट यसो हुन नसकेकोे धारणा व्यक्त गर्नुभयोे । वासिङटनबाट सिरियामा अतिवादी समूहहरुलाई सहयोग गरेकोमा चासो व्यक्त गर्नुभयो । रासस÷एएफपी
-->
