Sansar News
१८ कात्तिक,इओवा (अमेरिका)। अमेरिकाको डेस मोइनिस क्षेत्रमा कार्यरत दुई प्रहरी अधिकारीमाथि बुधबार भएको आक्रमणबाट उनीहरुको मृत्यु भएको अमेरिकी अधिकारीले जनाएका छन् ।
करिब चार किलोमिटरको फरक स्थानमा भएका आक्रमण उस्तै (एम्बुस–प्रकृतिका ) आक्रमण भएको सुरक्षाकर्मीको दाबी छ ।
स्थानीय समयअनुसार बुधबार १ बजेर ६ मिनेटको समयमा पहिलो आक्रमण भएको थियो भने यसको ठिक २० मिनेटपछि दोस्रो आक्रमण भएको थियो ।
अमेरिकी सुरक्षाकर्मीले प्रहरीमाथि गोली चलाउने हत्यारा डेस मोइनिस क्षेत्रमा रहेको र उसले अर्को कसैलाई आक्रमण गर्नुपूर्व नै नियन्त्रणमा लिइने जनाएका छन् ।
अमेरिकामा राष्ट्रपतीय निर्वाचनको मिति नजिकिँदै गर्दा छिटफुट यस्ता घटना भइरहेका भए पनि निर्वाचन पूर्ण तथा शान्तिपूर्ण रहने सुरक्षाकर्मीले जनाएका छन् । रासस÷एपी
वि.सं.२०७३ कात्तिक १८ बिहीवार ०४:१९ मा प्रकाशित
