हामी सबैकाे संसारन्यूज

२३ फागुन, काठमाडौं । राष्ट्रिय योजना आयोगले पाँचवर्ष भित्र ९८ खर्ब रुपैयाँ लगानीको प्रस्तावसहित समृद्ध अर्थतन्त्र, सामाजिक न्याय तथा परिस्कृत जीवनसहितको समाजउन्मुख अर्थतन्त्रको पन्ध्रौं योजनाको आधारपत्रको मस्यौदा सार्वजनिक गरेको छ । आयोगले सार्वजनिक गरेको आधारपत्र मस्यौदा परम्परागत शैलीकै भएको टिप्पणी विज्ञहरुले गरेका छन् ।
अर्थविद् डा. पोषराज पाण्डेले आधारपत्रमा बजेटरी सिस्टम र स्रोतबारे उल्लेख नगरिएको भन्दै निजी क्षेत्रलाई उपेक्षा गरिएको जस्तो देखिएको बताए । साीमान्त पुँजी उत्पादन अनुपात लागत गणनाबाट मात्रै लागत अनुमान गर्नु उपर्युक्त हुँदैन भन्दै उनले यो विधि परम्परागत भएको पनि दाबी गरे ।
त्यस्तै पूर्वमन्त्री समेत रहेका नेकपाका नेता टोप बहादुर रायमाझीले सबै कुरा परिवर्तन हुँदा समेत राष्ट्रिय योजना आयोगले बनाउने योजना परिवर्तन नभएको बताएका थिए ।
विहिबारको कारोबार दैनिकमा भीम गौतमले लेखेका छन् ।