हामी सबैकाे संसारन्यूज

२३ फागुन, काठमाडौ । पोखराका प्याग्लाइडिङ कम्पनीले चार वर्षदेखी नवीकरण नगरीकनै व्यवसाय गरिरहेका छन् । ५६ मध्ये ५५ कम्पनीले चार वर्षदेखि नवीकरण गरेका छैनन् ।
पोखरा महानगरका सुचना अधिकारी गंगालाल सुवेदीले पटक पटक आग्रह गर्दा पनि प्याग्लाइडिङ कम्पनीहरुले नवीकरण गर्न अटेर गरेको बताए ।

प्रत्येक कम्पनीले आर्थिक वर्ष ०७२- ७३ देखिको एकमुष्ट नवीकरण शुल्क ८६ हजार र प्रदेश पर्यटन शुल्कबापत एक लाख बुझाउन बाँकी छ ।
महानगरका राजस्व शाखाका वरिष्ठ आन्तरिक लेखापरीक्षक अधिकृत रोमनाथ उपाध्याले ०७२ – ७३ को ५ हजार ५ सय, ०७३-७४ को ५ हजार ५ सय, ०७४-७५ को ५० हजार ५ सय र चालु आव ०७५- ७६ को २५ हजार गरी प्रत्येक कम्पनीले नवीकरणबापत ८६ हजार शुल्क बुझाउनुपर्नेछ । यस्तै, प्रदेश सरकारले तोकेको पर्यटन शुल्कबापत प्रत्येकले वार्षिक एक लाख बुझाउनुपर्ने उनले बताए । बिहीबारको नयाँ पत्रिका दैनिक बाट ।