Sansar News
२४ फागुन, काठमाडौँ । आगामी चैत्र ७ र १२ गते नेपाली राष्ट्रिय पुरुष टोलीले क्रमशः कुवेत र मलेसियासँग भिड्ने भएको छ ।
नवनियुक्त प्रशिक्षक जेहान कालिनको प्रशिक्षणमा नेपालको नेपाली टोलीले कुवेतसँग कुवेतमा खेलेको पाँच दिनपछि मलेसियासँग मलेसियामा नै मैत्रीपूर्ण खेल खेल्ने अखिल नेपाल फुटबल संघ(एन्फा)ले जनाएको छ ।
रुपमा कुवेत र मलेसियासँग हुने खेललाई केन्द्रीत गरी राष्ट्रिय टोलिको प्रशिक्षकमा कालिन नियुक्त भएका थिए ।
नेपालले कुवेतसँग ४ पटक प्रतिस्पर्धा गरिसकेको छ । अहिलेसम्म भएको प्रतिस्पर्धामा नेपालले कुनै पनि खेलमा जित निकाल्न सकेको छैन । सुरुमै कुवेतसँग प्रतिस्पर्धा गर्न लागेको नेपाललाई निकै मेहनत गर्नु पर्ने भएको छ ।
नेपाली टिमले मलेसियासँग भने अहिलेसम्म ६ पटक मैत्रीपूर्ण खेल खेलेको छ । ६ खेल खेल्दा एकपटक मात्र नेपाल बिजेता बनेको छ । नयाँ प्रशिक्षक र कडा प्रतिस्पर्धी भएका कारण यी दुवै प्रतिस्पर्धालाई चासोको रुपमा हेरिएको छ ।
वि.सं.२०७५ फागुन २४ शुक्रवार ०८:४६ मा प्रकाशित
