हामी सबैकाे संसारन्यूज

इथियोपिया बाट उडेको ६ मिनेटमै दुर्घटनामा परेका १५७ जना  मध्ये एक जना नेपाली महिलाको मृत्यु भएको आशंका गरीएको छ । मृत्यु हुने उनि नेपालबाट इथोपियामा बिश्व खाद्य कार्यक्रम संबद्ध रहेको भनिएको छ ।

एजेन्सिका अनुसार हाल सम्म उक्त बिमान कम्पनिले मृत्यु हुनेहरुको नामावली भने प्रकाशित गरेको छैन । मृत्यु हुनेहरुमा ३२ जना केन्या, क्यानडाका १८, अमेरिकाका ८ , इजिप्टका ६ ,चीनका ८ ,इथोपियाका ९ ,नेदरल्याण्डका ५ ,बेलायतका ७ ,रुसका ३ ,फ्रान्सका ७ , इटालीका ८ गरी ३३ देशका नागरिकहरु  रहेको   बताइएको छ ।

इथियोपियाको राजधानी एडिस अबाबाबाट केन्याको नैरोवीतर्फ जाँदै गरेको बोइङ ७३७ व्यवसायिक हवाई जहाज स्थानीय समय अनुसार विहान ८ ३८ मा उडेको तर दुर्घटना ८ बजेर ४४ मिनेटमा भएको थियो । विमानमा चालक दलका ८ जना र १ सय ४९ यात्रु रहेका थिए ।