हामी सबैकाे संसारन्यूज

२७ फागुन, विराटनगर । नेकपाका स्थानीय नेता योगेन्द्र गुरुङ मोरङ बेलबारी ४ की २६ वर्षिया रमिलाई राईको हत्यामा मुछिएका छन् । उनले रमिलाको हत्या गरी शब शप्तकोशी नदीमा फालेको प्रहरी अनुसन्धानले देखाएको छ ।
उनी तत्कालीन एमाले बेलबारीका अध्यक्ष बनेका थिए । उनी सामुदायिक अस्पताल र एक साझेदारी वनका अध्यक्ष पनि हुन् । उनलाई गत शुक्रबार इलामबाट पक्राउ गरी अनुसन्धान थालिएको थियो । उनले घटनामा आफ्नो संलग्नता स्वीकारेका छन् । रमिलाको शब कोशी व्व्यारेजस्थित पुलको २९ नम्बर गेटबाट भंगालोमा फालेको बयान उनले दिएका छन् ।
रमिला सँगको सम्बन्ध खुल्ने डरले गुरुङले उनको हत्या गरेको हुनसक्ने प्रहरीको आशंका छ । महिला हराएको केहिदिनमै गुरुङ भागेर इलाम पुगेका थिए । त्यसपछि प्रहरीले उनीमाथि अनुसन्धान थालेको थियो । सोमबारको अन्नपूर्णपोष्टमा विराटनगरबाट किशोर बुढाथोकीले लेखेका छन् ।