हामी सबैकाे संसारन्यूज

काठमाडौं । बिजि बर्मा फिल्मसको ब्यानरमा कला राईको नेपाली कथानक चलचित्र ‘सत्यम् शिवम सुन्दरम’ चलचित्रको अफिसियल ट्रेलर सार्वजनिक भएको छ । चलचित्रमा नव नायिका कृती क्षेत्रीले चलचित्रमा नव नायिकाको रुपमा नेपाली सिने जगतमा पाइला चालेकी छन् ।

उनीहरुको साथमा सो चलचित्रमा बिमला गिरी, राजन महर्जन, धनराज सुब्बा, अन्जना श्रेष्ठ, गिताञ्जली सुवेदी, रिचा भण्डारी, सुजित यादव, ज्ञानेन्द्र चेम्जोङ, कृष्ण कुमार घलान, रमेश घतानी र निशा भुजेलको अभिनय रहेको छ । नरेश ऐरको छायाँकन देव महर्जनको द्वन्द, राजन महर्जन र सुरेश पाण्डेको नृत्य बिपिन कटुवालको शृङार रहेको छ । सपना देख्नेहरुको सपना पूरा हुन्छ कि हुदैन भन्ने मुख्य आशयलाई चलचित्रमा समावेश गरिएको छ ।

चलचित्रमा सन्तोष प्रगाढको संगीत र गायिका नित्याशिवा, सन्तोष प्रगाढ, इन्दिरा जोशीको अवाजमा गीत तयार गरिएको छ । गीतलाई शंकर अधिकारी घायलले लेखेका हुन । चलचित्रले समाजमा सकारात्मक सन्देश दिनेमा आफु आशावादी रहेको समेत चलचित्रका निर्देशक तथा लेखक शंकर अधिकारीले बताए ।

आगामी हरितालिका तीजमा सो चलचित्रलाई प्रद्र्धशन गर्ने समेत निर्माण पक्षले बताएको छ ।