हामी सबैकाे संसारन्यूज

२ चैत, काठमाडौं । नेपाल कार्डियो डाइबेटिज सेन्टरको प्राविधिक सहयोगमा दयाश्वर महादेव मन्दिर निर्माण तथा सुधार समिति, सामुदायिक केन्द्र निल सरस्वती लाजिम्पाटको आयोजनामा निःशुल्क स्वास्थ्य शिविर हुँदैछ ।

नयाँवर्ष २०७६ को पूर्वसन्ध्यामा यहि चैत ९ गते शनिबार लाजिम्पाट माछापुछ«े बैंक पछाडि (दयाश्वर महादेव प्रांगणमा) उक्त शिविरको आयोजना गरिने डाइविटिज सेन्टरका निर्देशक शेर बहादुर रानाले संसारन्यूजलाई बताएका छन् ।

उक्त शिविरमा वरिष्ठ मुटुरोग विशेषज्ञ डा. अनिल भट्टराई, वरिष्ठ मधुमेह, थाइराईड तथा हार्मोन विशेषज्ञ डा. बजरंग कुमार रौनियार, वरिष्ठ स्त्रीरोग विशेषज्ञ पुजा पौड्यालले स्वास्थ्य परीक्षण गर्ने बताइएको छ ।

शिविरमा डा. परामर्श सेवा, सुगर फास्टिङ, युरिन रुटिन तथा ई.सी.जी निशुल्करुपमा परीक्षण गरिनेछ । साथै अन्य परीक्षणमा पनि ५० प्रतिशत छुट गरिने सेन्टरले जनाएको छ ।

शिविर बिहान ८ बजेदेखि अपरान्ह १ बजेसम्म हुने छ भने नाम दर्ता गर्ने समय शनिबार बिहान १० बजेसम्म नेपाल कार्डियो डाईबेटिज एण्ड थाईराईड सेन्टरमा गरिनेछ ।
सम्पर्कका लागि ०१–४४२८७४०, ४४३२७६०