हामी सबैकाे संसारन्यूज

३ चैत, काठमाडौ । पेट्रोलको भाउ बड्यो आन्दोलन । अस्थायी जागिरलाई स्थायी बनाउनुपर्यो आन्दोलन । ग्यासको मुल्य बढाउन, आफुले चाहेको ठाउँमा सरुवा माग्न, न्याय माग्न आन्दोलन । पेसागतदेखि व्यक्तिसम्मका अनेकन माग पुरा गर्ने माध्यम बनेको छ आन्दोलन । आन्दोलन गर्दा सडक जाम गराइन्छ, बन्द गराइन्छ, तोडफोड हुन्छन् । जहिले पनि मारमा पर्छन सर्वसाधारण ।

फागुन १९ गते यस्तै एउटा आन्दोलनको सडक तात्यो । संघीय शिक्षा ऐनमा स्वतः स्थायी हुने प्रावधान राख्नुपर्ने मागसहित देशभरका राहत र प्रारम्भिक बालविकास केन्द्र ईसीडी का शिक्षक पढाउन छाडेर आन्दोलन गर्न राजधानीमा जम्मा भए । माइतीघरदेखि नयाँबानेश्वरसम्मको क्षेत्र केही दिन उनीहरुकै कब्जामा पर्यो । आन्दोलन नियन्त्रणमा लिन प्रहरीले शिक्षकमाथि पानीको फोहोरा हान्यो । अन्त्यमा मापदण्ड बनाएर स्थायी गर्ने शिक्षा मन्त्रालयको प्रतिबद्धतापछि उनीहरु फागुन २३ गते घर फर्किए । आन्दोलनले बालबालिकाको पढाइ अस्तव्यस्त भयो । आइतबारको कान्तिपुर दैनिकमा विमल खतिवडाले लेखेका छन् ।