हामी सबैकाे संसारन्यूज

३ चैत, काठमाडौं । बैंकहरुले गैरबैंकका सम्पत्तिका रुपमा राखेका र लिलामको प्रक्रिया अघि बढाएका सम्पत्तिलाई पुन : ओरेन्टल सहकारीमा फिर्ता गर्नका लागि समस्याग्रस्त सहकारी व्यवस्थापन समितिले पहल सुरु गरेको छ । बैंकहरुले न्यून मूल्यांकन गरी धितो लिलामी तथा बैंकिङ सम्पत्तिका रुपमा राखेको भेटेपछि समितिले ऋण चुक्ता गरी सम्पत्ति फिर्ता गर्ने योजना अघि सारेको हो ।
बैंकहरुले लिलामी अघि बढाएका र आफैले राखेको सम्पत्ति अहिलेको मूल्यमा बिक्रि गर्दा ओरेन्टलका निक्षेपकर्तालाई राहत हुने भएकाले पहल अघि बढाइएको समितिका अध्यक्ष युवराज सुवेदीले जानकारी दिए । ‘बैंकहरुले कानुनअनुसार नै सम्पत्ति लिलाल र सकार गरेका होलान्, तर धेरै सर्वसाधारण ठगिएकाले बैंकहरुले पनि सहयोग गर्नुपर्छ’ समितिका अध्यक्ष युवराज सुवेदीले भने । आइतबारको कारोबारमा यादव हुमागाईँले लेखेका छन् ।