Sansar News
संघीय समाजवादी फोरम नेपाल (नेफेसो) अमेरिकाको महिला संघको तर्दथ समिति गठन गरिएको छ ।
संघिय समाजबादी फोरम नेपालकी केन्द्रीय सदस्य कृष्णकुमारी वाईवाको प्रमुख आतिथ्यतामा नेफेसो अमेरीकाद्धारा आयोजना गरिएको छलफल तथा अन्तरक्रिया कार्यक्रमका अवसरमा पूर्वडिआइजी पार्वती थापा मगरको संयोजकत्वमा तर्दथ समिति गठन गरिएको हो ।
जसको सहसंयोजकमा मनु लोहोरूङ तथा सदस्यहरूमा निला जवेगु, फोरहाङ पतंवा, कोकिला देवान सदस्य रहेका छन् ।
नवगठित तर्दथ समितिले केहि समयमानै नेफेसो अमेरिकामा आवद्ध महिलाहरुको बृहत भेला गरी पूर्ण कमिटी गठन गरिने बताइएको छ ।
मार्च १७ का दिन न्युयोर्कको ज्याक्सन हाईटमा सम्पन्न छलफल तथा अन्तरक्रिया कार्यक्रममा नेपालको वर्तमान राजनीतिक परिस्थिति घटनाक्रम तथा संघिय समाजबादी फोरमको भूमिकाको विषयमा छलफल गरिएको थियो ।
सोहि अवसरमा प्रमुख अतिथि केन्द्रीय सदस्य वाईबाले नेपालमा राजनीतिक अस्थिरता कायमै रहेकोले जनताका समस्या ज्यूँ का त्यूँ रहेको बताउँदै नेपाली जनताले अहिले पनि संघीय लोकतान्त्रिक गणतन्त्रको अनुभुत गर्न नपाएको बताएका थिए । उनले नेपालको समृद्दि तथा विकास निर्माणका लागि हालको संविधान बाधक रहेको बताउँदै संविधान संशोधनको आवस्यकता रहेको बताएका थिए ।
नेफेसो अमेरीकाका अध्यक्ष समिर महर्जनको अध्यक्षतामा सम्पन्न उक्त कार्यक्रममा ससफो राष्ट्रिय परिषद् सदस्य प्रेम कुरूङबाङ, नेफेसो सल्लाहकार सशांक लामा, नेफेसो सल्लाहकार पार्वती थापामगर, नेफेसो अमेरीका सचिव मनु लोहोरूङ, कोषाध्यक्ष निला जवेगु, सदस्य केशबराम राई, सदस्य अनिल सम्बाहाम्फे, देव बहादुर पुन लगायतले आ–आफ्नो भनाई राखेका थिए ।
नेफेसो अमेरीकाका महासचिव लोक चेम्जोङले कार्यक्रम संचालन गरेका थिए ।
वि.सं.२०७५ चैत ४ सोमवार १०:५२ मा प्रकाशित
