हामी सबैकाे संसारन्यूज

६ चैत, काठमाडौ । नेपाल विद्युत प्राधिकरणको राष्ट्रिय प्रसारण लाइनमा २० आयोजनका २ सय ८७ मेगावट विद्युत् चालू वर्षभित्रै जोडिने भएको छ । बितेका ८ महिनामा विभिन्न ९ आयोजनाबाट ३९.३६ मेगावट विद्युत् राष्ट्रिय प्रसारण लाइनमा जोडिसकिएको ऊर्जा, जलस्रोत तथा सिँचाइ मन्त्रालयद्धारा जारी प्रगती विवरणमा उल्लेख छ ।

त्यस्तै,आगामी आर्थिक वर्ष प्राधिकरणको राष्ट्रिय प्रसारणमा ९ सय ८४ं८३ मेगावट विद्युत् जोडिने सम्भावना रहेको उल्लेख छ । हाल निर्माणका क्रममा रहेका आयोजनाहरु लक्षित समयभित्रै पूरा भए अबको १६ महिनाभित्र राष्ट्रिय प्रसारणमा १ हजार २ सय ७१ म्ेगावट विद्युत् जडित क्षमता थप हुनेछ । यो विद्युत् परिमाण नेपालमा विद्युत् विकासको १ सय ८ वर्षे अवधिको भन्दा बढी हो । बुधबारको नयाँ पत्रिका दैनिकमा पुष्प कोइरालाले लेखेका छन् ।