हामी सबैकाे संसारन्यूज

१२ चैत, काठमाडौं । अनुसन्धानको दायरामा रहेका व्यक्ति भाग्न सक्ने आशंकामा अख्तियार दुरुपयोग अनुसन्धान आयोगले कडा निगरानी बढाउन थालेको छ ।

भक्तपुरको चाँगुनारायणस्थित नेपाल इन्जिनियरिङ कलेजका सञ्चालक लम्बोदर न्यौपाने अनुसन्धान अधिकृतको लापरवाहीका कारण बयानकै क्रममा फरार भएपछि अख्तियारले विस्तृत अनुसन्धानको दायरामा रहेका आरोपितमाथि विशेष निगरानी सुरु गरेको हो । अकुत सम्पत्ति आर्जन, पदीय दुरुपयोगबाट भएका निर्णयलगायत आरोपमा अख्तियारले सार्वजनिक पद धारण गरेका राष्ट्रसेवक तथा विचौलिया करिब हजार जना माथि विस्तृत रुपमा छानविन गरिरहेको छ ।

उजुरी परेपछि प्रारम्भिक छानविनमा सामान्य सम्पर्क र पत्र नै काटेर बयानमा बोलाउँदै आएको अख्तियारले उजुरीको महत्व हेरेर आरोपितमाथि सूक्ष्म निगरानी थालेको अख्तियार स्रोतको भनाइ छ । मंगलबारको नागरिक दैनिकमा मातृका दाहालले लेखेका छन् ।