Sansar News
१८ चैत, काठमाडौँ । बारा र पर्साका हावाहुरी पीडितलाई नेपाल कम्युनिष्ट पार्टी (नेकपा)का सांसदले एक दिन बराबरको पारिश्रमिक उपलब्ध गराउने निर्णय भन्दा एककदम अघि बढेर प्रमुख प्रतिपक्षी दल नेपाली काङ्ग्रेसका सांसदहरुले दुई दिनको बराबरको पारिश्रमिक दिने निर्णय गरेका छन् ।
काङ्ग्रेसका सङ्घीय सांसदहरुले हावाहुरीबाट प्रभावितका लागि राहतस्वरुप दुई दिनको पारिश्रमिक सहयोग गर्ने भएका हुन् ।
आइतबार राति बारा, पर्सालगायत तराईका विभिन्न स्थानमा आएको भीषण हावाहुरीबाट प्रभावितका लागि राहतस्वरुप उक्त सहयोग गर्ने निर्णय गरिएको काङ्ग्रेस प्रमुख सचेतक बालकृष्ण खाणले जानकारी दिए। सो विपद्मा २९ जनाभन्दा बढीको ज्यान गएको थियो भने सयौँ घाइते भएका छन् ।
वि.सं.२०७५ चैत १८ सोमवार १९:४६ मा प्रकाशित
