१९ चैत, काठमाडौ । गैरआवासीय नेपाली संघ (एनआरएनए) एनसीसी कोरिया राहत संकलन अभियानमा जुटेको छ ।

बारा र पर्सामा आइतबार आएको भीषण आँधीहुरीका कारण २७ जनाको मृत्यु भइसकेको र हजारौ घर परिवार विचल्ली बनेको अवस्थामा गैरआवासीय नेपाली संघका विभिन्न देशमा रहेका शाखाहरुले आर्थिक राहत संकलनमा लागेका छन् ।

यसैबीच एनसीसी कोरियाले पनि राहत संकलन अभियानमा जुटेको छ ।

एनआरएनए कोरियाले शक्तिसाली हावाहुरीबाट मृत्यु भएकाप्रति श्रद्धान्जली व्यक्त गर्दै घाइतेहरुको शिघ्र स्वास्थ्य लाभको कामना गरेको अध्यक्ष लक्ष्मी गुरुङले बताएकी छन् ।
‘यस विपद्को घडीमा पीडितहरुलाई सहयोग गर्नका लागि एनआरएनए दक्षिण कोरियाले ‘राहत संकलन कार्य (अभियान)’ संचालन गरेकोले कोरियाबासी सम्पूर्ण बुद्धिजीवी, श्रमजीवी, व्यापारी, विद्यार्थी, पत्रकार लगायत सम्पूर्ण नेपाली दाजुभाइ तथा दिदी बहिनीहरुलाई यस राहत संकलन कार्यमा सहभागी भई आफूले सक्दो सहयोग गरिदिनु हुन बिनम्र अनुरोध गर्दछौं ।’ अध्यक्ष गुरुङद्धारा जारी विज्ञप्तिमा भनिएको छ ।

अध्यक्ष गुरुङका अनुसार आज कार्यसमितिको बैठक बसेर एनआरएनए कोरियाले कति सहयोग गर्ने भन्ने निर्णय गर्ने र त्यसपछि रकम घोषणा गरिने छ । ‘मातृभूमिमा आइपरेको विपद्का बेला सबैको सहयोग होस् भन्ने हाम्रो चाहना हो । साथीहरुले सहयोग गर्नुहुन्छ भन्ने आसा छ । सहयोग उठ्ने क्रम पनि जारी पनि छ । अध्यक्ष गुरुङले संसारन्युजसँग भनिन् ।

राहत संकलनका लागि

NRNA

Account no-679-011342-01-012

ibi bank ‘003’

प्रारम्भिक राहत र मेडिकल टिम बोकेर प्रभावित क्षेत्र पुग्यो एनआरएनए