back
CTIZAN AD

चितवन राष्ट्रिय निकुञ्जभित्र विक्रमबाबा मेला आजबाट शुरु

वि.सं.२०७५ चैत २२ शुक्रवार

1.2K 

shares

२२ चैत, चितवन । चितवन राष्ट्रिय निकुञ्जभित्रको कसरामा विक्रमबाबा मेला शुरु भएको छ । रुखमुनि हरेक वर्षको चैते दशैँमा मेला लाग्ने गर्दछ । स्थानीय केरुङ्गा र पटिहानी मध्यवर्ती सामुदायिक वनले मेलाको व्यवस्थापन गर्ने गरेको छ ।

मेला व्यवस्थापन समितिका संयोजक रामप्रसाद चालिसेका अनुसार आजबाट आगामी वैशाख ६ गतेसम्म मेला लाग्ने छ । मेलामा आउनेका लागि शौचालय, खानेपानी, पार्कीङ्, सडक मर्मतसम्भार एवं व्यवस्थापन गरिएको छ । स्वंयमसेवक परिचालन गरेर मेला व्यवस्थित बनाइएको उनले बताए ।

परापूर्वकालदेखि थारु जातिले पूजा गर्दैआएको विक्रमबाबाको पूजा हाल आएर सबै जातजातिले एक भएर चैते दशैँका अवसरमा आंैसीदेखि पूर्णिमासम्म पूजाआजा गरेर मनाउने गर्दछन् । विक्रमबाबामा पूजाआजा गर्नाले सन्तान नभएकालाई सन्तान प्राप्त हुने र सन्तान हुनेको सन्तान दीर्घायु हुने जनविश्वास रहेको छ । मनमा चिताएका कुरा पूरा हुने विश्वास पनि रही आएको छ ।

मेलामा होटल, खुद्रा सामाग्री, कपडालगायतका स्टल छन् । मेलामा वनभोज खाने ठाउँ समेत छ । मेलामा १०६ पूजा सामग्री पसल, ९४ फेन्सी र ६४ होटल रहेका चालिसेले बताए । निकुञ्जका प्रमुख संरक्षण अधिकृत वेदकुमार ढकालले ठाउँ÷ठाउँमा सिसी क्यामरा र स्पायी क्यामेरा राखेर अनुगमन गरिएको बताए ।

ठूलो सङ्ख्यामा मानिसको आवागमन हुने भएकाले सुरक्षामा उच्च सतर्कता अपनाइएको उनले बताए । यसैवर्षको जनबरी १ तारीखबाट निकुञ्जमा प्लाष्ट्रिक प्रवेशमा कडाइ गरिएकाले कपडाका झोला प्रयोग गर्न निकुञ्जले अनुरोध गरेको छ । गतवर्ष झण्डैं चार लाखले विक्रमबाबाको दर्शन गरेको अनुमान गरिएको थियो । विक्रमबाबामा बोकाको बलि र परेवा छाड्ने गरिन्छ । मेला भर्न नेपाल, भारत तथा अन्य देशबाट समेत भक्तजन आउने गरेको मेला आयोजकले जनाएको छ ।

वि.सं.२०७५ चैत २२ शुक्रवार १४:०४ मा प्रकाशित

‘खानेपानी अभावपछि गाउँ खाली हुन थाल्यो’

‘खानेपानी अभावपछि गाउँ खाली हुन थाल्यो’

पाँचथर । कुनै समय यहाँको तुम्बेवा गाउँपालिका–१ ढुकुरेमा बाक्लो बस्ती...

दुई विधेयक स्वीकृत

दुई विधेयक स्वीकृत

कर्णाली । कर्णाली प्रदेश सरकारले दुई विधेयक स्वीकृत गर्ने निर्णय...

खेल पर्यटन प्रवद्र्धन प्राथमिकतामा छ : मुख्यमन्त्री आचार्य

खेल पर्यटन प्रवद्र्धन प्राथमिकतामा छ : मुख्यमन्त्री आचार्य

लुम्बिनी । लुम्बिनी प्रदेशका मुख्यमन्त्री चेतनारायण आचार्यले स्थानीय अर्थतन्त्रलाई सुदृढ...

‘निर्वाचित जनप्रतिनिधिले वाचा कार्यान्वयनका लागि तयार हुनुपर्छ’

‘निर्वाचित जनप्रतिनिधिले वाचा कार्यान्वयनका लागि तयार हुनुपर्छ’

घोडाघोडी (कैलाली) । सुदूरपश्चिम प्रदेशका मुख्यमन्त्री कमलबहादुर शाहले राष्ट्रिय स्वतन्त्र...

मेसिनबाट धान रोपाइँमा किसानको आकर्षण

मेसिनबाट धान रोपाइँमा किसानको आकर्षण

नारायणगढ (चितवन) । चितवनमा यतिबेला चैते धान रोपाइँको चटारो छ...

भक्तपुरमा चलचित्र महोत्सव हुँदै

भक्तपुरमा चलचित्र महोत्सव हुँदै

काठमाडौँ । भक्तपुरमा युवा चलचित्रकर्मीहरुले आगामी चैत ६ र ७...