back

बोको हरामको बारुदी सुरुङमा परी ५६५ जनाको मृत्यु

वि.सं.२०७५ चैत २२ शुक्रवार

96 

shares
Global IME AD
NMB Bank Limited Long Ad Banner

२२ चैत, लागोस ।  नाइजेरियाको सधैँजसो अशान्त भइरहने उत्तरपूर्वी क्षेत्रमा बोको हरामका सशस्त्र आतङ्ककारी समूहले थापेको बारुदी सुरुङमा परेर सन् २०१८ मा मात्र कम्तीमा पनि पाँचसय ६५ जनाको मृत्यु भएको छ ।

संयुक्त राष्ट्रसंघको बारुदी सुरुङ नियन्त्रणसम्बन्धी निकायले बिहीबार सार्वजनिक गरेको तथ्याङ्कमा उक्त जानकारी दिइएको हो ।

उनीहरुले यस्तो हिंसात्मक हमला अहिले पनि जारी नै राखेका छन् ।

नाइजेरियाका बोको हरामहरुको जन्मस्थल मानिने माइदुगुरीमा आयोजना गरिएको एक कार्यक्रममा उक्त निकायका निर्देशक लियोनल पेचराले बिहीबार सो जानकारी दिएका हुन् ।

विश्वमा बारुदी सुरुङविरुद्धमा अभियान सञ्चालन गर्ने क्रममा माइदुगुरीमा बिहीबार बारुदी सुरुङका विरुद्धमा जनचेतना कार्यक्रम सञ्चालन गरिएको छ ।

बोको हरामले सडक आसपास मात्र नभएर खेतीपाती र अन्यत्र जथाभाबी बारुदी सुरुङ थाप्ने गरेकाले आम मानिसमा त्रास फैलिएको र किसानहरुलाई खेतबारीमा जान डर हुने गरेको ती अधिकारीले जानकारी दिए ।

उनले भने, बारुदी सुरुङ निकै खतरनाक भएकाले यसका कारण नागरिकमा पनि ठूलो त्रास बढेको, सर्वसाधारण नागरिक निर्धक्क भएर बाटो हिँड्न या आफ्नो खेतीबालीमा जान पनि नसक्ने अवस्था आएको छ ।

उनले संसारमा नै यस्तो घातक कार्यको विरोध गर्न र संसारका नागरिकलाई यसका विरुद्धमा सचेत हुन सक्नेगरी सन्देश दिन आग्रह गरे ।

बोको हरामको हिंसाका कारण सन् २००९ देखि हालसम्म कम्तीमा २० हजार नागरिकको ज्यान गइसकेको छ । यो नागरिक हत्याको क्रम प्रतिदिन बढ्दो रुपमा रहेको अधिकारीहरुको भनाई छ ।

उनीहरुको हिंसाका कारण यहाँका करिब २६ लाख नागरिक घरबारबिहीन भएका छन् । त्यसैगरी अरु लाखौँ नागरिकले आफ्नो घरबास नै छाडेर आन्तरिक तथा बाह्य रुपमा नै शरणार्थीका रुपमा बाँच्नु परिरहेको छ ।

चाड, नाइजर र क्यामरुनमा सक्रिय यस चरमपन्थी समूहले सन् २०१५ मा इस्लामिक स्टेट लडाकू समूहसँग सहकार्य गरेको घोषणा गरेको थियो ।

वि.सं.२०७५ चैत २२ शुक्रवार १८:०८ मा प्रकाशित

अन्तरिक्षमा आणविक हतियार राख्ने रुसको कुनै मनसाय छैन : पुटिन

अन्तरिक्षमा आणविक हतियार राख्ने रुसको कुनै मनसाय छैन : पुटिन

मस्को । रुसका राष्ट्रपति भ्लादिमिर पुटिनले अन्तरिक्षमा आणविक हतियार राख्ने...

चीनमा तापक्रम घटेपछि गम्भीर मौसमी चेतावनी जारी

चीनमा तापक्रम घटेपछि गम्भीर मौसमी चेतावनी जारी

बेइजिङ । चीनको दक्षिणी भागमा तापक्रम घटेपछि र बेइजिङमा हिउँ...

डब्लुएचओद्वारा इथियोपियामा प्रकोप विरुद्ध लड्न १७ वटा हैजा उपचार केन्द्र स्थापना

डब्लुएचओद्वारा इथियोपियामा प्रकोप विरुद्ध लड्न १७ वटा हैजा उपचार केन्द्र स्थापना

डिस अबाबा । डि विश्व स्वास्थ्य सङ्गठन (डब्लुएचओ)ले सोमबार इथियोपियामा...

पूर्वी अफगानिस्तानमा गएको पहिरोमा परी २५ जनाको मृत्यु

पूर्वी अफगानिस्तानमा गएको पहिरोमा परी २५ जनाको मृत्यु

काबुल। पूर्वी अफगानिस्तानको नुरिस्तान प्रान्तको नोर्गाराम जिल्लामा आइतबार पहिरो जाँदा...

युक्रेनमा शान्ति स्थापनाका लागि चीनले रचनात्मक भूमिका निर्वाह गर्नेछ : विदेशमन्त्री वाङ

युक्रेनमा शान्ति स्थापनाका लागि चीनले रचनात्मक भूमिका निर्वाह गर्नेछ : विदेशमन्त्री वाङ

म्युनिख, जर्मनी । चीनका विदेशमन्त्री वाङ यीले युक्रेनमा जारी द्वन्द्वको...

दक्षिण कोरिया : सरकारद्वारा आन्दोलनरत चिकित्सकलाई काममा फर्कन निर्देशन

दक्षिण कोरिया : सरकारद्वारा आन्दोलनरत चिकित्सकलाई काममा फर्कन निर्देशन

सियोल । प्रशिक्षार्थी चिकित्सकले चिकित्सा तालिम सुधारको विरोधमा सामूहिक राजीनामा...