तस्विर युवराज श्रेष्ठ
२३ चैत्र, काठमाडौँ । आईसीसी यू १९ विश्वकप क्रिकेट छनोटका लागि नेपाली राष्ट्रिय क्रिकेट यू १९ टोली मलेसियामा प्रस्थान गरेको छ । मलेसियामा १० अप्रिल देखि २० तारिख सम्म हुने एसिया छनोट खेल्न १४ सदस्सीय नेपाली टोली शनिबार मलेसिया प्रस्थान गरेको हो ।
छनोट खेल्ने नेपाली टोलीलाई राष्ट्रिय खेलकुद परिषदका सदस्यसचिव केशव कुमार बिष्ट र राष्ट्रिय पुरुष टोलीका मुख्य प्रशिक्षक जगत टमटाले बिदाइ गरेका छन् ।
एसिया छनोटमा नेपालसहित मलेसिया, सिंगापुर, युएई, कुवेत र ओमन टोलीले प्रतिस्पर्धा गर्ने छन् । सो प्रतियोगितामा विजेता टोलीले सन् २०२० मा दक्षिण अफ्रीकामा आयोजना हुने विश्वकपमा स्थान बनाउने छन् ।
यसअघि नेपालले आन्ध्र प्रदेशको यू १९ टोलीसँग थियो ६ अभ्यास खेल खेलेको थियो ।
वि.सं.२०७५ चैत २३ शनिवार १३:१६ मा प्रकाशित
