हामी सबैकाे संसारन्यूज

१ वैशाख, काठमाडौ । संसारभर सहज र सहुलियत दरमा सूचना प्रविधिको पहुँचबाट आफ्ना नागरिकलाई सेवा दिने होड चलिरहेका बेला नेपालको दूरसन्चार सेवाको मूल्य भने विश्वकै सबैभन्दा महँगो देखिएको छ । महालेखापरिक्षकको कार्यालयले नेपालको टेलिफोन र इन्टरनेट सेवाको मूल्य संसारभरकै अत्यधिक महँगो रहेको बताइएको हो । महालेखा परीक्षकको कार्यालयले सार्वजनिक गरेको ५६ औ वार्षिक प्रतिवेदनमा उल्लेख गरेको विश्लेषणअनुसार नेपालका टेलिकम कम्पनीले दूरसन्चार सेवाको मुनाफा मूल्य संसारभर अन्य मुलुकको भन्दा दोब्बर उठाउने गरेको पाइएको छ । महाशाखाले यो उपभोक्ता संरक्षण ऐन २०७५ विपरीत हुने ठहर गरेको जनाइएको छ ।

महालेखाले गत आर्थिक वर्ष २०७४-७५ मा गरेको बित्तिय विवरणअनुसार विश्लेषण गर्दा नेपालका दूरसन्चार सेवा प्रदायकको सन्चालनमा नाफा ५८ देखि ६२ प्रतिशतसम्म रहेकाले ती सेवा प्रदायकले प्रदान गर्ने सेवाको मुल्य निर्धारणमा नाफाको अंश संसारभन्दा अन्य मुलुकको तुलनामा अत्याधिक रहेको ठहर गरेको महालेखा परीक्षकको कार्यालयले जनाएको छ । आइतबारको राजधानी दैनिकमा मधुजंग पाण्डेले लेखेका छन् ।