हामी सबैकाे संसारन्यूज

१ बैशाख, काठमाडौं । नेपालमा ‘कश्मीर कस्तूरी मृग’ फेला परेको छ । अन्नपूर्ण संरक्षण क्षेत्र आयोजना (एक्याप) को मुस्ताङ क्षेत्रमा अनुसन्धाकर्ता पारसविक्रम सिंह र चिनियाँ प्रधानाध्यापक लगायतले पहिलोपटक कश्मीर कस्तुरी मृग पत्ता लगाएका हुन् । प्रकृति संरक्षणका लागि अन्ताष्ट्रिय संघ (आईयुसीएन) को सन् २०१५ को रेड लिस्टमा यो कस्तूरी संकटा सूचीमा रहेको छ ।
राष्ट्रिय प्रकृति संरक्षण कोष (एनटीएनसी) को एक्यापमा कार्यरत सिंह ‘युनिभर्सिटी अफ चाइनिज एकेडेमी अफ साइन्सेस बेईजिङ’ बाट कस्तूरी मृगमाथि विद्याबारिधि गरिरहेका छन् । उक्त एकेडेमीका प्राध्यापक जियाङ झिगाङको सुपरभिजनमा सिंहले अन्नपूर्ण संरक्षण क्षेत्रमा कस्तूरी मृगबारे अनुसन्धान गरिरहेका छन् । आइतबारको कान्तिपुर दैनिकमा अव्दुल्लाह मियाँले लेखेका छन् ।