२ वैशाख, काठमाडौ । संघीय सरकारले समायोजन गरी पठाएका कर्मचारीलाई केही स्थानीय तहले फिर्ता पठाएका छन् । आफूसँग साविकमा कार्यरत कर्मचारी पर्याप्त भएको भन्दै संघीय सरकारले पठाएका कर्मचारी फिर्ता गरिएका हुन् ।
कर्मचारी फिर्ता पठाउने स्थानीय तहमा काठमाडौ महानगरपालिका, ललितपुर महानगरपालिका, भक्तपुर नगरपालिका र मध्यपुर थिमि नगरपालिका छन् ।
स्थानीय मन्त्रालयका निमित्त सचिव सुरेश अधिकारीले मन्त्रालयले समायोजन गरी पठाएको जानकारी आएको बताए ।
स्थानीय तहले फिर्ता पठाएका कर्मचारीमध्ये १८ जना कर्मचारी मन्त्रालयको सम्पर्कमा आइसकेको र बाँकी सम्पर्कमा आउने क्रममा रहेको पनि उनले जनाए । स्थानीय तहले फिर्ता पठाएका कर्मचारी शाखा अधिकृतदेखि खरिदार तहसम्मका छन् । फिर्ता पठाएका कर्मचारीको हकमा मन्त्रालयले एक दुई दिनमा बैठक गरी यस बारेका निर्णय गर्ने अधिकारीले जनाए । सोमबारको नागरिक दैनिकमा भुवन शर्माले लेखेका छन् ।
वि.सं.२०७६ वैशाख २ सोमवार ०७:२१ मा प्रकाशित
