हामी सबैकाे संसारन्यूज

२ वैशाख, सुनसरी । भिक्टोरिया क्रस विजेता ८४ वर्षीय रामबहादुर बेघा लिम्बू दोस्रो पटक धरानको ब्रिटिस गोर्खा स्मृति पार्कमा आउँदा एm बेलाको जोस सम्झेर हौसिए । अवकाश पाएर नेपाल आएपछि मैले पनि यस्तै पार्कको कल्पना गरेको थिएँ, दुई वर्षअघि आफैले शिलान्यास गरेको गोर्खा स्तम्भ नियाल्दै उनले भने, यसले गोर्खाको इतिहास र पहिचान जीवित राख्छ, नयाँ पुस्ताले पुर्खाका बारेमा थाहा पाउनेछन् ।

बेघा यस पटक पार्कमा करिब ७५ लाख रुपैयाँ लागतमा तयार गोर्खा चमेना गृह उद्घाटन गर्न आएका थिए । पहिलो र दोस्रो विश्वयुद्धपछि पनि धेरै युद्ध लडेका वीर गोर्खाहरुको अलग इतिहास र पहिचान छ । तिनको सम्मान गर्दै इतिहास अभिलेखकरण र नयाँ पुस्तालाई अध्ययन अनुसन्धानमा सघाउन गोर्खा लाहुरेहरुले गोजीबाट पैसा हालेर धरान २० विष्णुपादुकास्थित माछामारा डाँडामा स्मृति पार्क बनाएका हुन् । सोमबारको कान्तिपुर दैनिकमा प्रदीप मेन्याङ्बोले लेखेका छन् ।