वरिष्ठ संगीतकार दिपबिमको निधनले संगीत क्षेत्रमा ठूलो क्षति भएको भन्दै हेवनली पाथ युएसएले दुःख व्यक्त गरेको छ ।
नेपाली गीत संगीतका धरोहर बरिष्ठ संगीतकार मदन दिपबिमको अप्रिल २२ का दिन का दिन भएको असामहिक निधनले हेवनली पाथ युएसए परिवार मर्माहत भएको बताउँदै शोक सन्तप्त परिवारमा हार्दिक समवेदना समेत व्यक्त गरेको छ ।
‘उहाँको निधनले नेपाली गीत संगीत क्षेत्रमा पुग्न गएको अपुरणीय क्षतिप्रति दुःख व्यक्त गर्दै दिवंगत आत्माको चिर शान्तिको कामनाका साथै शोक सन्तप्त परिवारमा हार्दिक समवेदना व्यक्त गर्दछौं ।’ हेवनली पाथले भनेको छ ।
७१ वर्षीय दिपबिमको अप्रिल २२ तारिखमा अमेरिकाको क्यालिफोर्नियास्थित सन मेटियो मेडिकल सेन्टरमा निधन भएको हो ।
झण्डै १५ सय भन्दा बढी गीतमा संगीत दिएका दिपबिमका चर्चित गीतहरुमा ‘झस्केर दुख्छ यो मुटु मेरो यसैको यादमा’, ‘के भुल भयो प्रिया मसँग बोल्दिनौं’, ‘सुरीलो रुख सल्लै हो’ लगायतका लोकप्रिय गीतहरु रहेका छन् ।
वि.सं.२०७६ वैशाख १३ शुक्रवार ११:४२ मा प्रकाशित
