गैरआवासीय नेपाली संघ (एनआरएनए) नेदरल्याण्ड्सले द्धन्द्ध पीडित तथा अनाथ बालबालिकाको सहयोगका लागि नेपाली चलचित्र ‘दाल भात तरकारी’ प्रदर्शन गर्ने भएको छ ।
संघले रोल्पामा अवस्थित द्वन्द पिडित अनाथ, असहाय तथा गरिब बालबालिकाहरुका लागी आवास निर्माण गरिदिने उद्धेश्यले यहि मे १२ र १३ मा नेदरल्यान्ड्सको राजधानी आमस्र्टडाममा चलचित्र प्रदर्शन गर्न लागेको हो । उक्त चलचित्रबाट प्राप्त रकमले बालबालिकाका लागि आवास निर्माण गर्न लागिएको संघका अध्यक्ष ठाकुर प्रसाद शर्मा (मनोहरि) ले बताएका छन् ।
शर्माले नेदरल्यान्ड्सबासी आमाबुबा, दिदीबहिनी तथा दाजुभाईहरुलाई सादर अनुरोध गर्दै एनआरएन नेदरल्यान्ड्सले सुरु गरेको सामाजिक काममा सम्पूर्ण आदरणीय महानुभाबहरुलाई आमन्त्रणसहित अनुरोध गरेका छन् ।
आ-आफ्नो पकेट खर्चबाट केहि रकम खर्चेर उक्त चलचित्र हेरी असहाय बालबालिकाहरुलाइ सहयोग हुने कुरामा कुनै द्विविधा नरहने भन्दै महासचिब जितेन्द्र कुमार श्रेष्ठ अपिल गरेका छन् ।
साथै उक्त चलचित्र हेर्नका लागी १२ वर्ष मुनिका बालबालिकाहरुलाई निःशुल्क र अरुकालागि २० युरो राखिएको समेत श्रेष्ठले जानकारी दिए ।
वि.सं.२०७६ वैशाख १९ बिहीवार १७:५० मा प्रकाशित
