हामी सबैकाे संसारन्यूज

२२ बैशाख, जनकपुरधाम ।  संघीय समाजवादी फोरमका नेता  राजकिशोर महतो  वडाअध्यक्षबाट कुटिएका छन् ।

प्रदेश नं २ बाट  प्रदेश सांसदको उम्मेदवार बनेका महतो धनुषाको  बटेश्वर  गाउापालिका ३ का वडा अध्यक्ष हिरालाल महतोबाट कुटिएको प्रत्यक्षदर्शी गाउँपालिका अध्यक्ष डम्बर बहादुर राउतले जनाएका छन् ।  धनुषा–४ (ख) बाट उनी प्रत्याशी थिए ।

प्रदेश सरकारले गाउापलिकामा पठाएको ५० लाख  ससर्त अनुदानतर्फको बजेटको विषयमा भनाभन हुँदा  महतो कुटिएका हुन् ।

गाउँमा विकासका लागि  प्रदेश सरकारले पठाएको बजेट  फोरमका नेता महतो कवीर मन्दिर निर्माण गराउने पक्षमा छन् ।

उनले  प्रदेश सरकारको योजनामा भनसुन गरेर  कवीर  मन्दिर निर्माण शीर्षकमा  बजेट  खर्चिने उल्लेख  गरेको  गाउँपालिका अध्यक्ष राउतले बताए ।

वडा अध्यक्ष, गाउँपालिकाका अध्यक्ष र स्थानीयबीच  वडा कार्यालयमा सडक विस्तारका लागि छलफल चलिरहेको थियो ।  त्यसैबीच पुगेका फोरम नेता महतोले प्रदेश सरकारको बजेटबारे कुरा झिेकेका थिए ।  चुनावताका आफूले  कवीर  मन्दिर बनाउने  स्थानीयलाई बचन दिएको पनि फोरम नेता महतोले बताए ।  आइतबारको अन्नपूर्णपोष्ट दैनिकबाट