Sansar News
२२ बैशाख । प्रमुख प्रतिपक्षी दल नेपाली कांग्रेसले सरकारको नीति तथा कार्यक्रम प्रस्तुत गर्ने क्रममा राष्ट्रपति विद्या देवी भण्डारीबाट प्रयोग गरिएको ‘मेरो सरकार’ शब्दलाई नीति तथा कार्यक्रम पुस्तिकाबाट हटाउन संशोधन दर्ता गराएको छ ।
सिंहदरबारस्थित संसदीय दलको कार्यालयमा शनिबार बसेको दलको बैठकले नीति तथा कार्यक्रमको पुस्तकमा राखिएको ‘मेरो सरकार’ हटाउन संशोधन हाल्ने निर्णय गरेको थियो ।
सो शब्दको साटो ‘नेपाल सरकार’ राखिनुपर्ने कांग्रेसको माग छ । संसदीय दलबाट निर्णय गराएरै दलका प्रमुख सचेतक बालकृष्ण खाँड, मिनेन्द्र रिजाल, सन्जय कुमार गौतम, मान बहादुर विश्वकर्मा, दिलेन्द्र प्रसाद बडु, दिव्यमणिराज भण्डारी सहितका २४ सांसदले संसदका कार्यव्यवस्था शाखामा पुगेर संयुक्त संशोधन दर्ता गराएका हुन् । आइतबारको राजधानी दैनिकबाट
वि.सं.२०७६ वैशाख २२ आइतवार ०८:३१ मा प्रकाशित
