हामी सबैकाे संसारन्यूज

आदरणीय सांसद ज्युहरु
मेरो बाबाले मलाई १२ बर्षको उमेरमा काठमाण्डुमा काम गर्न पठाए । १४ बर्षको हुदा मेरा ५० बर्षका घर मालिकले बलात्कार गरे, १६ बर्षकी हुदाँ त्यही मालिकका २० बर्षका छोराले बलात्कार गरे , ३ चोटी मेरो गर्भ रहेको थाहा पाएपछि मेरी मालिक्नीले मेरो घर कैलाली पठाईदिईन् । रु १०,००० मेरा बाबालाई दिईन् । यसको विवाह गरििदनु भनेर, बाबाले पोलियो भएर सुस्त मनस्थितिको ३० बर्षको केटासँग मेरो विवाह गराईदिए । । सुस्त मनस्थितीका ती युवकसँग मेरो शारीरिक सम्बन्ध चाँही भएन । ८ महिनामा मेरो छोरा चाँही जन्मियो । घरका कसैलाई पनि थाहाथिएन कि मेरो लोग्नेको छोरा होईन भनेर सबै खुःसी भए ।

धन्य , मेरो लोग्नेको नागरीकता रहेछ त्यसै बाट मेरो पनि नागरकिता बन्यो । १० बर्षपछि ज्वरो आएर मेरो लोग्ने वित्यो । आज मेरो छोरा १६ बर्षको भएपछि म उसको नागरीकता लिन जादै छु । त्यसमा म खुलाएर लेख्ने छु , “काठमाडौँको मालिकको फलाना छोराले मलाई बलात्कार गरेर जन्मिएको छोरो भएकोले यसको बाबुको नागरिकता ल्याउन सक्दिन । त्यसैले मेरो नाम मानागरिकता देउ” के मेरो छोराले नागरीकता पाउला ?

म आछामकी ३० बर्षिय महिला हुँ । १४ बर्षको उमेरमा म छाउगोठमा बसदा एक रात तिनजनाले बलात्कार गरेको कुरा फैलिएपछि ३ जना युवक समातिए, पक्राउ परे । बलात्कार गरेको हो भनेर स्वीकारे । “मेरो गाँउघरमा चाँही केटी खराब रहेछ । त्यसैले बोलाएर त ३ केटी गए होलान । तर गाँउघरका सोझा केटा कसरी त्यो छौपाडीमा पुग्छन भने” । प्रहरीले केटाहरु समात्यो । अदालतले केटाहरु १२ बर्षको उमेर भन्दा कम भएकोले ५ महिनामात्र सजाय दियो । ६ महिनापछि त ती केटाहरु फुक्का गोरु जस्तै भए ।

तर म त छौपडिमा बलात्कार भएको बेला गर्भवती भएछु । मलाई त छुई भएको बेला संसर्ग गरेपछि गर्भ रहदैन भनेर सिकाएको थियो । तर छुई भएको ४ दिनमा बलात्कृत भएपछि मेरो अर्काे दुःख थपियो । दुई महिना सम्म महिनावारी भएन कहिलेकाही यस्तै हुन्छ भनेर वास्ता गरिएन । ४ महिनापछि पो त गाँउकी एक सुडेनीले मेरी आमालाई “यी नानीको त गर्भ रहेको जस्तो लाग्छ भनेपछि ” मेरी आमात छागाँ बाट खसे जस्तै भईन् । उनले मलाई कुभिन्डो काँचो मेवा खाए गर्भ खस्छ भनेर । तर अहँ त्यो गर्भ त खसेन । गाँउबाट गर्भ तुहाउन कतै लग्ने पैसा थिएन । गाँउमा मेरो गर्भ रहेको भनेर परिवारको ठुलो वेइज्त भयो । मलाई बलात्कार गर्नेहरुलाई चाँही कसैले अपमान गरेन ।